Tras ser titular na vitoria de onte fronte o Valladares, a xogadora do filial deportivista Sara Álvarez, foi citada pola Selección Española sub-17 para un partido amigable ante Alemaña en Salou (Tarragona). O encontro terá lugar o vindeiro xoves 16 de xaneiro ás 11:00 horas.
O combinado nacional aproveitará este encontro para realizar unha concentración desde hoxe ata o propio día do encontro na citada localidade catalá.
En principio, a futbolista branquiazul Sara Álvarez non tería problemas para xogar o derbi galego que ten o Dépor B o sábado 18 de xaneiro en Abegondo ante o Sárdoma CF, a partir das 18:00 horas.
Esta é a convocatoria da Selección Española Sub 17:
| FC BARCELONA | Esther Laborde Cabanillas Ariadna Mingueza García Julia Bartel Holgado Laura Coronado Vílchez Claudia Riumallo Pineda |
| CÓRDOBA CF SAD | Lucía Moral Ruiz |
| CLUB ATLÉTICO MADRID SAD | Alicia de la Cuerda García |
| CD TACÓN | Ariana Arias Jiménez |
| LEVANTE UD | Fiamma Benítez Lanuzzi |
| SPCF PLAZA ARGEL | Lucía Palomares García |
| EL PALMAR CF | Silvia Lloris Nicolás |
| DEPORTIVO ABANCA | Sara Álvarez Álvarez |
| VILLARREAL CF SAD | Salma Paralluelo Ayingono |
| ATHLETIC CLUB | Ane Elexpuru Añorga Alejandra Estefanía Díaz Maite Zubieta Aranbarri Amaia Martínez de la Peña |
| MADRID CFF | Giovana Queiroz Costa María García San Julián |
| REAL SOCIEDAD DE FÚTBOL SAD | Laida Balerdi Beloqui |
