Fin de semana de dúas vitorias e dúas derrotas na División de Honra Prata. As xogadoras do Lavadores plantáronlle cara ao líder da competición, o Balonmano San José Lanzarote a pesar da derrota. O Porriño perde en Valladolid por unha diferenza de sete goles. SAR Rodavigo e Carballal acadan as súas segunda e terceira vitoria consecutiva.
O Lavadores plantoulle cara o líder da División Honra Prata
O CdC Lavadores intentao ata o final no pavillón municipal de Titeroy no que perdeu ante o líder, o Balonmano San José Obrero Lanzarote por unha diferenza de un gol: 33-32.
A máis destacada do partido foi Danilza Liranzo que fixo un total de 14 dianas para o conxunto vigués. Foi unha cita moi igualada de intensidade de principio a fin. Con moito ritmo e alternancias no marcador chegando ó descanso empatadas: 13-13.
Na segunda parte seguiu a mesma dinámica ata que as locais cambiaron as tornas no minuto 47. “Acadaron unha renta de tres goles que conseguimos reducir apoiadas na gran defensa”, comenta Anxo Otero, o adestrador do CdeC Lavadores para As Nosas.
Ademais engade: “Ao final escapouse o empate porque no último segundo tivemos un gran despiste defensivo e non poidemos facer moito máis”. Un bo partido muy competido no que poido gañar calquera dos dúos equipos.
As viguesas quedan na oitava posición con seguidas. A semana que ven, na xornada 19, disputarase un dos duelos galegos da División de Honra Prata no Pavillón Municipal de Lavadores. A cita será o sábado (8 de febreiro, ás 20.00 horas) entre o CdeC Lavadores e SAR Rodavigo.
FICHA TÉCNICA
BALONMANO SAN JOSÉ OBRERO LANZAROTE: Ana Marín, Esther de Miguel, Melania Cabrera, Nabila Harchaouin, Itahisa Niz, Esma Muratovic, Alicia Torres, Paula González, Aizaya Tarín, Diana Martín, Paula Robayna, Gema Trujillo, Maria Adina e Miriam Paez.
CdeC LAVADORES: Ainoa López, Gemma Martínez, Paula Rey, María Álvarez, Laura Piñeiro, Arima López, Lorena Barreiro, Uxia Ferreiro, Eva Costas, Marta Díaz, Ana Isabel Gil e Danilza Liranzo.
MARCADOR CADA 5’: 1-2, 5-3, 7-6, 9-9, 11-10, 13-13, 16-16, 19-19, 22-22, 26-23, 28-27, 33-32.
ÁRBITROS: Víctor Rodríguez González e Jose Carlos Palenzuela Cruz.
INCIDENCIAS: Partido correspondente a xornada 18 da División de Honra Prata no que enfrontou ao Balonmano San José Obrero Lanzarote contra o CdeC Lavadores no pavillón municipal de Titeroy.
O Porriño perde de 7 ante o Ulsa Hand Vall
O Rubensa Porriño perde en Valladolid ante o Comercial Ulsa Hand Vall cunha diferenza de sete goles (37-33). Durante todo o encontro, as locais tiveron o dominio o que fixo que en dúas ocasión Miguel Sánchez, o adestrador do Porriño, tivera que deter o tempo para reconducir as súas xogadoras.
Nos primeiros cinco minutos o Ulsa Hand Vall xa endosara cinco goles fronte a un que só meteran as porriñenses. Nestes intres o adestrador das galegas parou o partido para que as súas xogadoras reaccionaran ante esta situación.
“Non houbo cambios no xogo. Continuamos cometendo erros no ataque e sen eficacia defensiva para contrarrestar o xogo rival. O que nos levou ó tempo de descanso cun marcador en contra de 22-13“, comenta Miguel Sánchez para As Nosas.
As de O Porriño fixeron unha mellor segunda metade. Pouco a pouco aumentaron a intensidade as cousas saíronlle con moito máis criterio. “Lemos moito mellor o partido e isto permitiunos reducir a desventaxe ata colocarnos a doce minutos do fin a catro goles e posición, pero xa era tarde porque o cansancio fíxonos dano”, engade Sánchez.
A novena posición é onde se atopan tralo partido as do Porriño. A semana que ven xogan na casa. No Pavillón Municipal de Porriño albergará a xornada 19 entre o Rubensa Porriño e o Oviedo Balonmano, o domingo (9 de febreiro, ás 12.30 horas).
FICHA TÉCNICA
COMERCIAL ULSA HAND VALL: Alicia Hernández, Cecilia Colmenero, Marina de la Puente, Aida Fernández, Mónica Gutierrez, Isabel Colias, Elisa Méndez, Sara García, Celia López, Laura Armada, Sofía Pérez, Marta Balderrama, Isabel Pérez, Laura Muñiz, Natalia Garces e Alba Herranz.
RUBENSA BM PORRIÑO: María Groba, Andrea Amarilla, Marta Martínez, Alicia Campo, Marta da Silva, Anastasija Doder, Laura Magdaleno, Marta Groba, Begoña Otero, Sandra Fernández, Laura Barros, Claudia Blanco, Erika Roma e Cristina Martínez.
MARCADOR CADA 5’: 5-1, 9-4, 12-6, 16-9, 18-11, 22-13, 23-15, 25-18, 27-22, 29-25, 33-27, 37-30.
ÁRBITROS: Desire González Fernández e Samuel Prieto Merino.
INCIDENCIAS: Partido correspondente a xornada 18 da División de Honra Prata no que enfrontou ó Comercial Ulsa Hand Vall contra o Rubensa BM Porriño no pavillón polideportivo Rondilla.
O SAR Rodavigo acada a súa terceira vitoria consecutiva
O equipo vigués, o SAR Rodavigo, consegue ante o Palencia Turismo a súa terceira vitoria consecutiva por un electrónico de 34 a 24. Ao prinicipio, as nosas xogadoras costoulles sobrepasar ás rivais nos trinta minutos iniciais.
Nos primeiros minutos o marcador contabilizaba un empate entre ambos, pero a medida que corría o reloxo, as de Palencia puxéronse por diante. O que fixo que Elisardo González detivera o tempo para deter os erros das súas e encarrilar a vitoria. Ao descansó fóronse un arriba: 15 a 14. O paso polos vestiarios transformou ao conxunto local. A superioridade notouse sobre a pintura e acadaron a máxima diferenza aos 10 minutos do asubía final.
A décima posición é onde se atopan tralo partido as do SAR Rodavigo. A semana que ven quédanse en Galicia pero non na súa casa. Terán que ir ata o Pavillón Municipal de Lavadores para enfrontarse o CdeC Lavadores o sábado (8 de febreiro, ás 20.00 horas).
FICHA TÉCNICA
SAR RODAVIGO: Sara González, María Pexegueiro, Xeila Fervenza, Marta Rodríguez, Ana Fernández, Tamara Seijas, Adriana Ayude, Lara Patiño, Cecilia Rodríguez, Maria González, Goretti Miguel, Uxía Alfaya, Claudia Kaulback, Estefania VIlas e Nerea Bouzon.
PALENCIA TURISMO: Begoña Roldan, Claudia Revilla, Laura Sevillano, Irene Terán, Laura Domínguez, Marta Torres, Laura Gómez, Alba Ramos, Marta Villoslada, Paula Fondevila, Paloma Valenceja, Tamara Calle, Mirian Aguado, Lucía Lorenzo, Lucía Rodríguez e Eva Gómez.
MARCADOR CADA 5’: 2-2, 3-7, 6-9, 9-10, 12-13, 15-14, 18-17, 22-18, 24-18, 28-18, 30-21, 34-24.
ÁRBITROS: Álvaro Sierra Bordallo e Javier Jiménez Troncoso.
INCIDENCIAS: Partido correspondente a xornada 18 da División de Honra Prata no que enfrontou ó SAR Rodavigo e o Palencia Turismo, no Pavillón Municipal de Redondela, A Bomboneira.
A diferenza de un gol dalle a vitoria o A.D. Carballal
Tras unha renda de tres goles nos últimos cinco minutos, o A.D. Carballal vence na comunidade veciña ó Siero Deportivo por un electrónico de 28 a 29. Nos primeiros minutos parecía que a vitoria iba a quedar no cadro asturiano, pero ao descanso xa se reflexaba un empate que deixaba todo por decidir: 13 a 13.
As galegas saíron con mentalidade gañadora tralo paso polos vestiarios para poder alzarse coa terceira vitoria consecutiva. Poideron sentenciar cunha diferenza de tres goles pero nos últimos cinco minutos as locais reaccionaron e Javier Castro, o adestrador do Carballal, parou o tempo para plantexar a xogada clave para gañar.
As de Carballal permanecen na sétima da táboa. O sábado (8 de febreiro, ás 20.30 horas) no municipal de Carballal reciben ó líder da División de Honra Prata, o Balonmano San José Obrero Lanzarote.
FICHA TÉCNICA
SIERO DEPORTIVO: Alba Alonso, Cristina Pevida, Julia Baizan, Lucía Parajón, Laura Suárez, Sandra Villa, Aida Rodríguez, Andrea Iglesias, Aitana Nuño, María Alonso, Sara Díaz, Natalia Suárez, Blanca Sánchez, Mara Ban Leeuwen, Alba Fernández e Clara Álvarez.
A.D. CARBALLAL: Inés López, Ángela Rodríguez, Laura Rúa, Maria Portela, Area Martínez, Sofía Otero, Paula Amorín, Sara Román, Silvia Leiraas, Alba Amoedo, María Pereira, Antía Figueiras, Antía Seijo e Carla Caride.
MARCADOR CADA 5’: 3-2, 5-3, 5-6, 7-9, 10-11, 13-13, 16-14, 17-18, 18-21, 21-23, 23-26, 28-29.
ÁRBITROS: Francisco Fernández Herrero e Adrián Rodríguez Valdes.
INCIDENCIAS: Partido correspondente a xornada 18 da División de Honra Prata no que enfrontou ao Siero Deportivo Balonmano e o A.D. Carballal no Nuevo Polideportivo Municipal de Pola de Siero.
