O técnico do HC Borbolla, Santiago Martínez, é consciente de que o novo triunfo que veñen de colleitar (0-12 diante da APG Bierzo) as afianza máis á fronte da clasificación. Pero sabe que non hai nada escrito. El mesmo admite que están “contentas de como estamos comezando a competición”, pero matiza que “aínda falta moito. É moi longo e temos a mala experiencia do pasado ano. Entón gañamos a liga regular con solvencia e, sen embargo, faiamos na final a catro no único partido da tempada no que non podíamos fallar”.
Santiago Martínez, adestrador do HC Borbolla: “Estamos contentas de como estamos comezando a competición, pero aínda falta moito”
Sobre o cruce desta semana na Liga Senior Autonómica de Hoquei a Patíns que as enfrontou contra da APG Bierzo o técnico galego sinalaba: “Na primeira parte saíunos ben o que tiñamos preparado para este partido: dificultarlles a saída de bola, que non tivesen contras, que non estivesen cómodas, meter intensidade ao xogo e tentar marcar o ritmo do partido”.
Santiago Martínez, adestrador do HC Borbolla: “a primeira parte saíunos ben o que tiñamos preparado para este partido: dificultarlles a saída de bola, que non tivesen contras, que non estivesen cómodas”
O adestrador resaltaba tamén que as súas pupilas estiveron “moi concentradas desde o inicio do partido e iso servíunos para non encaixar ningún gol nos primeiros minutos que nos puidesen complicar o encontro”.
Santiago Martínez, adestrador do HC Borbolla: “Estivemos moi concentradas desde o inicio do partido”
Aínda que afrontaban a visita a terras leonesas con baixas, parece obvio que o equipo coruñés demostrou que contan con banco abondo para manter o nivel de xogo pese ás posibles ausencias. “Cando planificamos a tempada iso é o que buscábamos, tentar que aínda que tivésemos baixas, tentásemos que iso non repercutise demasiado no nivel do equipo. Parece que polo de agora estámolo a lograr. A pesar das baixas que temos, sendo dúas delas xogadoras que o ano pasado foron moi importantes para nós, estamos a un bo nivel neste inicio de campionato”.
Santiago Martínez, adestrador do HC Borbolla: “A pesar das baixas que temos, sendo dúas delas xogadoras que o ano pasado foron moi importantes para nós, estamos a un bo nivel neste inicio de campionato”
Sariol: “Foi unha derrota dura porque había tempo que non nos pasaba”
No equipo local, o técnico Álvaro Sariol declaraba que era “obvio” que o HC Borbolla fixera “un partido moi bo e que mereceron a vitoria”. O adestrador das ponferradinas explicaba que cando chegou o “primeiro, pouco a pouco foron chegando os outros e para cando cambiamos a defensa, xa era tarde. Á media parte xa iamos 8-0 e na segunda, pois foi un pouco aguantar o chaparrón”.
Álvaro Sariol, adestrador da APG Bierzo: “O Borbolla fixo un moi bo partido e mereceron a vitoria”
Para o bloque do Bierzo foi unha “derrota dura porque había tempo que non nos pasaba. Hai que aprender diso”, manifestaba Álvaro Sariol.
Na súa análise do partido, O adestrador da APG Bierzo comentaba que, sendo certo que afrontaban o partido con baixas, “a defensa coa que iniciamos o partido foi un error. Algunhas das nosas xogadoras non estaban cómodas con ela e iso foi un punto importante”.
FICHA TÉCNICA
APG BIERZO: –
HC BORBOLLA: Fernanda Tapia (P), Jimena Ortiz, Alba Díaz ( C), Lucía Yáñez, Lara Yáñez e Beatriz Pereira.
RESULTADO: 0-12
GOLES:
Polo HC Borbolla anotou Soledad Ortiz (4), Lucía Yánez (3), Lara Yánez (1) e Beatriz Pereira (4).
COLEXIADOS: Árbitro: Ivonne Copovi. Cronometradora: Carla Sariol Molins. Sen amonestadas.
INCIDENCIAS: Pavillón Ángel Pestaña (Ponferrada). Partido correspondente á terceira xornada da Liga Senior Feminina Autonómica da Federación Galega de Patinaxe.
PODES VER O PARTIDO NESTA CANLE DE YOUTUBE
