Santiago de Compostela acollerá a próxima fin de semana os Campionatos Galegos de Grappling nunha xornada de tarde o sábado, 13 de marzo.
A competición desenvolverase entre as 16:30 e as 19:30 horas, cun control de peso na media hora previa ao inicio do torneo, segundo informa a Federación Galega de Loita e DA.
O pavillón de Santa Isabel de Santiago de Compostela acollerá tres tapices onde competirán as deportistas, que poden optar a un ouro se quedan na primeria posición, unha prata na segunda e un bronce para as dúas semifinalistas. Ademais, os tres primeiros clubs clasificados recibirán un trofeo.
Consulta toda a información e o protocolo COVID-19 nesta ligazón.
As próximas datas sinaladas no calendario son do venres 26 ao domingo 28, con campionatos de españa U15, U17 e U23 que tamén celebraranse en Santiago de Compostela.
A Federación de Loita organizou un webinar sobre arbitraxe
Representantes do Colexio Galego de Árbitros e Xuíces impartiron na mañá do sábado 6 unhas sesións sobre arbitraxe nas modalidades Loita Olímpica e Grappling, a modo de preparación dos próximos campionatos.
Ambas sesións foron impartidas da man de Marcos Araujo, árbitro internacional da modalidade olímpica e de Carlos Fabián Thiebaut, árbitro nacional de Grappling.
