O HC Borbolla vivirá un partido crucial para as súas aspiracións de manterse na máxima categoría mañá, martes 8 de decembro. As coruñesas recibirán ao Garatge Plana Girona CH na súa pista de Monte Alto ás 12:30 horas.
As coruñesas terán enfronte a un dos seus rivais directos nesta campaña 2020-21 da Ok Liga Feminina, polo que o cruce será decisivo. O Girona e o inmediato predecesor das coruñesas e outro dos equipos que, xunto ao Alcorcón, loitan por manterse na máxima categoría do hoquei sobre patíns feminino español.
O técnico das galegas, Santi Martínez, é consciente da importancia da cita. “Xogámonos moitísimo, tanto elas como nós. A presión por moito que a queiras evitar, témola. As mozas son conscientes da importancia destos puntos contra un rival directo”, admite.
Santi Martínez, técnido do HC Borbolla: “A presión por moito que a queiras evitar, témola. As mozas son conscientes da importancia destos puntos contra un rival directo”
Sobre o plantexamento do partido o adestrador coruñesa apunta que o que buscan desde o HC Borbolla é “Levar o xogo ao noso terreo. Tentar marcar o ritmo do partido para estar cómodas e poder explotar as nosas virtudes e tentar minimizar as súas…”
Na opinión de Santi Martínez, o cruce co Garatge Plana Girona CH “vai ser un partido moi complicado, mesmo mais que o que vimos de xogar contra o CP Manlleu”, apunta.
Santi Martínez ten a dúbida de Lara cun golpe no nocello
Para este encontro o HC Borbolla ten a dúbida de Lara. A deportistas recibiu un golpe no nocello no último partido contra o CP Manlleu. “Tivérona que atender onte no partido e hoxe vaina ver o noso fisio, Óscar Parga. Esperamos que as súas mans milagreiras permítanlle xogar”, explica Santi Martínez, adestrador das galegas. O técnico advirte que sería “unha pena que non puidese estar nesta cita xa que está nun momento moi bo de xogo”.
