Oito partidos restan ao HC Borbolla de Santi Martínez para finalizar este curso competitivo na Ok Liga Feminina. Todos eles serán “auténticas finais”. Así o admite o propio técnico das tomatitas. Nesta segunda fase da competición as galegas loitan pola permanencia. Vaille a vida. No vestiario o teñen tan claro que o seu técnico empregaba unha expresión moi similar ao explicar para As Nosas que debían “intentar sumar contra todos os rivais. Vainos a salvación nelo”, apuntaba.
O primeiro asalto desta serie de oito finais será mañá sábado no pavillón de Monte Alto, na Coruña. O rival é o Igualada Femení HCP. A cita está marcada para ás 19:00 horas e as galegas do Borbolla están listas para demostrar que merecen estar entre as mellores de España a próxima tempada.
As Nosas: Que aspectos do xogo tedes traballado máis nestas dúas semanas de parón competitivo?
Santi Martínez: Este parón aproveitámolo para recargar o estado de forma e corrixir os nosos puntos febles, ademais de reforzar os máis fortes con vista a esta fase decisiva da competición.
As Nosas: Teredes observado vídeos dos rivais do outro grupo…
Santi Martínez: Si. Xa tiñamos mirado algúns partidos de todos os equipos da Ok Liga e, loxicamente, estas últimas semanas xa intentamos estudiar máis a fondo aos equipos cos que nos imos enfrontar nesta liguilla.
Santi Martínez, adestrador do HC Borbolla: “Ao equipo vexoo ben, acabamos a primeira fase moi ben, cada vez máis asentadas na categoría e demostrando que tenemos condicións para mantener a plaza na OK Liga.”
A.N. Toda vez que xa se ten defindo quen pasa de cada grupo e os puntos que se arrastrades, como ves as posibilidades do equipo?
Santi Martínez: Ao equipo vexoo ben, acabamos a primeira fase moi ben, cada vez máis asentadas na categoría e demostrando que tenemos condicións para mantener a plaza na OK Liga.
Das tres prazas que hai para a salvación, unha parece que será clara para o CP Esneca Vila-Sana, así que, quedarán dúas prazas para os sete equipos restantes, e todos temos posibilidades de acadar unha delas. Todos os partidos serán auténticas finais. Seguramente serán encontros moi igualados nos que un mínimo detalle pode ser decisivo.
A.N.: Alcorcón, Igualada e Vilanova serían os equipos aos que teríades que ‘dar caza’ de primeiras nesta recta final?
Santi Martínez: Alcorcón, Igualada e Vilanova supérannos na clasificación nun punto, polo que vencer este sábado é moi importante. Fíxate se está parella a cousa que se logramos gañar este partido da fin de semana, poderíamos pasar do sétimo posto actual ao cuarto.
A.N.: Ante que rivais considerades que podedes rascar puntos?
Santi Martínez: Podemos, e debemos, intentar obter puntos contra todos os rivais. Parece que o Vila-Sana é o contrincante máis forte, pensa que pasa con 18 puntos e é un equipo que se tiña pensado para loitar polos postos de arriba na OK Liga pero, aínda así, debemos intentar sumar contra todos porque vainos a salvación nelo. Agárdase tanta igualdade nesta liguilla que podes gañar ou perder con calquera.
Santi Martínez: “O Igualada reforzouse e deu un salto de calidade”
No arranque desta segunda fase competitiva as coruñesas son penúltimas con seis puntos pero a so catro da salvación. Todos os equipos, salvo o Vila-Sana, están nun pano.
No lado positivo, as galegas teñen o golaverage do seu lado diante de posibles empates contra Girona e Alcorcón. Mediuse a elas na primeira fase da Ok Liga. Nesta segunda etapa, so xogarán cos equipos do Grupo B, arranstrando os resultados do Grupo A da anterior fase, de aí os seus seis puntos.
Sobre o seu primeiro rival, di o entrenador das galegas que o Igualada deu “un salto de calidade ao fichar a unha excelente xogadora como é Raquel Bernadas, marca goles con moitísima facilidade. Bernadas xa gañou practicamente todo no hoquei sobre patíns. Xunto con Pati Miret fan do Igualada Femení HCP un equipo con moito gol”, advirte.
