O técnico do HC Borbolla, Santi Martínez, tiña sabor agrio e doce logo do partido no que as coruñesas debutaban na OK Liga 2020-21 cunha derrota na casa diante do CP Alcorcón por 1-2. O certo é que as galegas estiveron metidas no partido e non lle perderon a cara. Por iso o adestrador falaba de tristeza polo resultado pero alegría polo xogo despregado polas súas pupilas na cancha de Monte Alto.
Santi Martínez, adestrador do HC Borbolla: “En moitas ocasións o peso do partido, creamos oportunidades claras de gol, tivemos unha directa e un penalti, e non se nos foi a cabeza cando estivemos 4 contra 3, non tivemos présa, de feito logramos o gol nese momento”.
“O noso debut é ilusionante, saímos moi concentradas desde o principio” explicaba Santi Martínez. No seu relato do encontro explica que as galegas levaron “en moitas ocasións o peso do partido, creamos oportunidades claras de gol, tivemos unha directa e un penalti, e non se nos foi a cabeza cando estivemos 4 contra 3, non tivemos présa, de feito logramos o gol nese momento”.
Boa circulación de bóla pero falta de definición
Para o adestrador das herculinas: “O partido estivo igualado aínda que creo q no primeiro tempo fomos algo mellores, creamos mais ocasións de gol, elas chegáronnos moi pouco, defendemos ben con moitas axudas, tivemos boa circulación de bóla, pero non logramos marcar, algo que nos custa moito”.
Segundo explicaba Santi Martínez logo do partido contra o CP Alcorcón houbo certas diferentes entre un tempo de xogo e outro. No primeiro tempo “saímos moi concentradas, non parecía o típico partido dun equipo que acaba de ascender no que os nervios atenazan as ás xogadoras, é máis parecía que estabamos afeitas á categoría. A segunda parte estivo máis igualada, pero aínda así non perdemos en ningún momento a cara ao partido, estivemos metidas en todo momento no partido”.
Santi Martínez, adestrador do HC Borbolla: “Na primeira metade saímos moi concentradas, parecíiamos afeitas á categoría. A segunda parte estivo máis igualada, pero aínda así non perdemos en ningún momento a cara ao partido”
Non pesou o regreso á elite
A sensación que se leva sobre este primeiro cruce o técnico do HC Borbolla é que as coruñesas xogaron “un bo partido, sen que nos pesase a estrea na nova categoría. Non concedemos máis que un par de ocasións claras de gol e xusto metéronnolos goles en dúas xogadas que, en principio, non revestían demasiado perigo”.
Na opinión de Santi Martínez: “Ao final, a vitoria do CP Alcorcón marcouna ese punto de saber estar que lles dá levar tantos anos na elite do hoquei nacional”.
Santi Martínez, adestrador do HC Borbolla: “Coido que, ao final, a vitoria do CP Alcorcón marcouna ese punto de saber estar que lles dá levar tantos anos na elite do hoquei nacional”.
Un sabor agridoce nos beizos foi o que lle quedou as galegas logo deste partido de retorno á OK Liga. É polo menos o que se desprende das palabras do seu técnico: “Saímos moi tristes do partido polo resultado final porque, sinceramente, cremos q merecemos máis, pero ao mesmo tempo pola imaxe que demos e o xogo desenvolvido. Podemos crecer moito aínda como equipo, pero creo que imos no bo camiño“.
