O adestrador local, Santi Martínez, explicaba ao término do partido co que o equipo Garatge Plana Girona CH que prepara levou o “control do partido. Por fortuna saíu, máis ou menos, como tiñamos planeado. Pero foi moi difícil. Erramos moitas ocasións de gol o que en moitos casos lévache á derrota. Pero hoxe saíunos ben”, apuntaba o técnico das galegas.
O cruce, correspondente á sexta xornada da OK Liga Feminina, xogábase en Monte Alto logo de ser aprazado no seu día. Víanse fronte a fronte dous rivais directos na pugna por materse na elite do hoquei a patins español. O triunfo caeu do lado das galegas 4-0. Pero foi moi pelexado. As coruñesas so gañaba 1-0 a cinco minutos do final do encontro.
Santi Martínez: “Foi un partido duro”
Por iso, a pesar do que poida parecer ao mirar o resultado final, tal e como apunta o técnico local “foi un partido duro. Como xa previamos. Tivemos o control do encontro salvo nuns cinco minutos na segunda metade nos que o Garatge Plana Girona CH achuchounos moito. Pero grazas á gran actuación da porteira, Fernanda Tapia, non foron quen de marcar”.
Esa diferencia lograda nos minutos finais, Santi Martínez a achaca a que nese momento de xogo o Garatge Plana Girona CH “presionou moito e nos deu a posibilidade de sentenciar a través de contras rápidas”.
Consultado polo ánimo que se respira no vestiario logo dun triunfo ante un claro rival directo pola permanencia, Santi Martínez explicaba que o “vestiario está moi contento. As rapazas merecíanse un triunfo como este, logrado a base de moito traballo, xa que o Girona púxonolo moi díficil”.
Santi Martínez, técnico do HC Borbolla: “O Girona púxonolo moi díficil”
Trátase do primeiro partido que as ‘tomatitas‘ herculinas gañan na casa. Na clasificación esta vitoria non ten suposto unha gran diferencia. Seguen a ser colistas e os tres equipos na lea por manter a categoría, CP Alcorcón, Garatge Plana Girona CH e HC Borbolla seguen nun pano na parte final da táboa clasificatoria.
Santi Martínez, adestrador do HC Borbolla: “De cara á segunda parte da competición, esta é unha vitoria moi importante para sumar puntos e non descolgarnos do resto de equipos”
Pero o técnico das galegas, Santi Martínez, apunta máis aló desta fase para poñer en valor este resultado. “Non supón un cambio na clasificación para nós, pero de cara á segunda fase da competición, esta é unha vitoria moi importante para sumar puntos e non descolgarnos do resto de equipos”, advirte con visión de futuro o adestrador do conxunto galego, representante do hoquei da nosa comunidade na máxima categoría estatal.
O HC Borbolla gana o seu primeiro partido na casa e golea ao Girona 4-0
