Santiago Martínez: “Este ascenso é o premio a todo o esforzo e traballo de cinco anos”

O pasado venres 26 de xuño, a Real Federación Española de Patinaje confirmaba a volta do HC Borbolla a OK Liga. Santiago Martínez, o seu adestrador, falou con As Nosas sobre o ascenso, o proxecto deportivo do club e as expectativas que teñen para a tempada que vén.

“Preferiamos ter gañado o ascenso na pista, que é loxicamente onde che gusta conseguilo, pero con todo o tema do COVID-19 non se puido”, afirmou o técnico coruñés. O Borbolla formara un bo equipo para o curso pasado, fichando a xente de fóra e gañaron tres partidos de liga que se disputaron, cun balance de 23 goles a favor e só 2 en contra.

“Cando se parou non se sabía si se ía a disputar a fase de ascenso. Elas querían xogala porque pensaban que se non se remataba a Liga, non ía a haber ascensos” destacou Santiago. A federación española tardou moito en anunciar si se ía volver a xogar ou non e ao final decidiu que aínda que se parasen as ligas, non habería descensos pero si ascensos. Un déronllo a Cataluña e outro ao resto de España. “En definitiva, elas están supercontentas a pesares de que teñan esa espiniña de non poder telo gañado no campo”, rematou o técnico.

Santi Martínez, adestrador do HC Borbolla: “Preferiamos ter gañado o ascenso na  pista, que é loxicamente onde che gusta gañalo, pero con todo o tema do COVID-19 non se puido”

En principio, tendo en conta os resultados, o HC Borbolla non debería ter tido problemas para meterse no play-off, xa que en Galicia pasaban os dous primerios clasificados. “O equipo que fixemos o ano pasado estaba feito para ascender, trouxemos a xogadoras bastantes boas e a intención era manter á maior parte do plantel con algún retoque para a seguinte tempada”, afirmou o adestrador sobre o proxecto do ano pasado, confirmando que “a intención era que este ano servise de rodaxe, conseguir o ascenso, chegar a OK Liga e que xa estivesen todas compenetradas. Hai que ter en conta que o cambio de liga autonómica a OK Liga é brutal, é moi brusco”

Santiago Martínez, adestrador do HC Borbolla: “A intención era que este ano servise de rodaxe, conseguir o ascenso, chegar a OK Liga e que xa estivesen todas compenetradas”

Sobre eses pequenos retoques para a tempada que vén, o técnico confirmou dúas baixa. Unha xogadora que se retira porque por motivos de traballo non pode adestrar e outra, a arxentina que vira ao equipo o curso ano pasado, fichouna un equipo de Cataluña. “Isto non é como fútbol que hai contratos, acaba a tempada e as xogadoras quedan libres. Como non sabiamos se iamos a ascender ou se non, era todo unha incertidume.  Chamárona equipos de arriba e é normal”, comentou Santi Martínez.

Santiago Martínez, adestrador do HC Borbolla: “Agora todos os equipos xa levan preparando os planteis dende marzo xa están pechados, polo que nós  temos un problema co tema das fichaxes”

Nestes momentos están no proceso de reforzar ao equipo, buscando compensar estas dúas baixas cunha xogadora de Galicia e quizais con outra de fora. Pero teñen que enfrontarse a un problema con respecto á incorporación de novos integrantes xa que, ao estar todo parado, ata que non souberon en que liga ían xogar, non podían fichar. “E agora todos os equipos xa levan preparando os planteis dende marzo xa están pechados, polo que nós agora mesmo temos un problema con iso”, destacou o técnico.

Un equipo construído con xente da Coruña desde o ano que descendeu de OK Liga

“Afronto o ano que vén con moita ilusión, porque isto é un proxecto que ven dende cando descendemos.  Pero nesa tempada varias xogadoras se foran por motivos de estudos e de traballo. Entón, había que facer un equipo novo, con catro ou cinco xogadoras de casa”, declarou Santiago Martínez e engadiu que a el, a nivel persoal, non lle facía ilusión conseguir un ascenso con dez xogadoras novas. Polo que o que fixeron foi coller ás que estaba no equipo nese momento, que tiñan 13/14 anos daquela, ademais de algunhas máis da mesma xeración, para en cinco anos intentar o ascenso.

Ese obxectivo conseguise aos tres, pero o HC Borbolla non puido subir por temas económicos. “Ademais nese momento, elas tiñan 16 anos e xogar OK Liga con esa idade é complicado e por enriba teriamos que fichar xente. O proxecto adiantouse e dixemos: imos seguir un pouco máis para seguir crecendo”, sentenciou o técnico. O club continuou co proxecto e o ano pasado non o conseguiron porque perderon, segundo o adestador, o único partido que non podían perder.

Santi Martínez, adestrador do HC Borbolla: O ano pasado non o conseguimos o ascenso porque perdemos o único partido que non podiamos perder”

HC Borbolla, equipo coruñés de hockey patíns que ascendeu a OK Liga”A Liga regular gañámola e con marxe. O play-off eran eliminatorias e o primeiro partido perdémolo contra un equipo que lle tiñamos gañado os dous partidos en liga e quedamos eliminados” afirmou resignado Santiago Martínez, recoñecendo que iso supuxo un pau tremendo para o club e foi cando decidiron refozarse, porque non podían perder o traballo de todo un ano nun partido. “Ademais, sabes que si subes a OK Liga, tes que trae máis xente. Entón o que fixemos foi traelas para que comezasen a xogar xa en Liga Galega e chegar a OK Liga co equipo feito”, confirmou sobre o proxecto.

Santi Martínez, adestrador do HC Borbolla: “Son nenas que levan traballando no club dende que descendemos, polo que este ascenso é o premio a todo o esforzo destes anos”

“Son nenas que levan traballando no club dende que descendemos, polo que este ascenso é o premio a todo o esforzo destes anos”, sostivo o técnico coruñes, engadindo que “nós, como club pequeno que somos, intentamos subir de categoría con xente da casa, porque senón non ten razón de ser. A base ten que ser xente de aquí. Nós sempre queremos gañar, pero con xente da nosa casa”.