O HC Borbolla tivo que agardar ao inicio da segunda volta para asinar o seu primeiro triunfo. Tardou, pero chegou. Na súa visita ao CP Alcorcón, e nun partido que custou (tiveron que remontar dous marcadores adversos), as de Monte Alto inauguraron o seu casilleiro de vitorias cun 2-3. Falamos co seu técnico, Santi Martínez, para evaluar o que levamos de competición e tamén saber como afrontan esta segunda parte da Liga regular antes de chegar á fase da loita polo título ou pola permanencia.
O adestrador das coruñesas é optimista e confía nas súas pupilas. De feito, nunca perdeu a fe e a confianza nun bloque co que di “é un pracer traballar”.
AS NOSAS: Custou pero acadouse, respírase máis tranquilidade no vestiario logo de abrir a lata dos puntos?
Santi Martínez: Si. É verdade que a primeira vitoria tardou en chegar, mais do que creo que merecemos. O vestiario era consciente de que traballando o lograriamos, e a pesar dos reveses, seguían crendo no que estaban facendo. De aí que o desanimo non aflorase. Aínda sendo un grupo moi novo, están demostrando que están crecendo deportiva e mentalmente.
A.N.: Deixar o último lugar tamén aporta psicoloxicamente, presumo…
Santi Martínez: Máis que deixar o último posto, aporta o sumar a primeira vitoria e como a logramos. Foi remontando fóra de casa e logrando que en toda a segunda parte aguantásemos a presión do CP Alcorcón e aínda así ser capaces de dominar nesa segunda metade do partido e conseguir ser quen de levar o peso do encontro. Mentalmente saíron moi reforzadas.
Santi Martínez, adestrador do HC Borbolla: “O equipo saíu moi reforzado mentalmente do partido co CP Alcorcón”
A.N.: E desde o banco, vense as cousas con máis optimismo o a preocupación non mudou?
Santi Martínez: Véndoas traballar cada día, e vendo como compiten en cada partido, eu sabía que a primeira vitoria ía chegar. Non dubidei en ningun momento do grupo.
Desde o principio sabiamos que o salto de Liga Autonómica cara á OK Liga é abismal. Custa moito adaptarse como se demostra cada ano cos equipos que ascenden. Proba diso é o outro equipo que ascendeu esta tempada, o Igualada, que está no outro grupo e aínda non logrou puntuar. E iso que a Liga Autonómica catalá é moitísimo máis competitiva que a galega!
A.N.: Superada a primeira volta da OK Liga, e deixando a un lado os resultados, que considera que é o mellor deste bloque?
Santi Martínez: Pois a parte da calidade que temos creo que o mellor do grupo é a unión, a entrega, o traballadoras que son as xogadoras e que mentalmente están a demostrarse máis fortes do esperado para un equipo tan novo.
Santi Martínez, entrenador do HC Borbolla, era consciente da dificultade de cambio de categoría: “O salto de Liga Autonómica cara á OK Liga é abismal. O outro equipo que ascendeu, o Igualada, aínda non logrou puntuar. E iso que a Liga Autonómica catalá é moito máis competitiva que a galega”
A.N.: E onde observa que pode aínda ser feble o grupo?
Creo que debemos mellorar, sobre todo, en algo que só o tempo e moitos partidos pódennos dar que é a madurez e o saber estar propio dos equipos máis experimentados.
A.N.: Resta outro tanto de competición, xa coñecen aos rivais, contra quen conta con puntuar si ou si?
Santi Martínez: Da primeira volta aínda temos pendente o partido aprazado co Girona. Sinceramente contamos con puntuar en todos os partidos, loxicamente pódenos resultar algo menos difícil contra os equipos que están na nosa mesma situación clasificatoria. Así e todo, todos e cada un dos rivais serán dificilísimos xa que todos os equipos nos xogamos moitísimo nesta parte da competición.
Santi Martínez, adestrador do HC Borbolla, non renuncia a nada segunda volta: “Contamos con puntuar en todos os partidos nesta segunda volta”
A.N.: Nas contas da leiteira, cantos puntos lle saen que debe acadar o HC Borbolla nesta segunda volta?Santi Martínez: Sinceramente non botamos conta dos posibles puntos. Aínda que esta moi manida esta frase, imos partido a partido. É a verdade. Cada partido que xogamos sempre pensamos que podemos gañar e non pensamos no seguinte até acabar o anterior.
A.N.: A competición non remata aí, habería outro paso na loita pola permanencia no que entrarían os equipos do outro grupo, está mirando de reollo o que fan?
Santi Martínez: Bótaslle un ollo ao outro grupo pero en xeral, a nosa maior preocupación son os nosos rivais no actual grupo, dos de seguinte fase empezarémonos a preocupar cando saibamos que equipos serán.
Santi Martínez: “Este equipo medra día a día”
A.N.: En que aspecto concreto do xogo cre que o HC Borbolla pode ter marxe de mellora?
Santi Martínez: Tenemos moita marxe de mellora. Este grupo de xogadoras está crecendo día a día, en cada partido, en cada adestramento. Estou convencido deste equipo, orgulloso de como traballan e de como manexan a situación. Casi todo é novo para elas, pero adáptanse rapidamente. Son como esponxas e aprenden cada día o que as converte paso a paso nun grupo máis forte. Son unha piña, as que máis xogan e as que menos. Só velas como se apoian e se dan ánimos, sabes que con este grupo podes ir a calquera parte.
Santi Martínez, adestrador do HC Borbolla: “Temos moita marxe de mellora. As xogadoras medra día a día. Estou orgulloso de como traballan e como manexan a situación. Adáptanse rapidamente. Son esponxas. A cada paso son un grupo máis forte e funcionan como unha piña. Con este grupo pódese ir a calquera parte”
A.N.: Cos pés no chan se tivera que dar unha porcentaxe de posibilidades do equipo de manter a categoría, cal daría?
Santi Martínez: Non che podo dar unha porcentaxe, está complicado pero sabiamos que ía ser así. Pero estas xogadoras forman un grupo capaz de lograr a permanencia. A min demóstranmo co seu traballo. O dixen antes: medran cada día como equipo e non lles vexo límite. É un pracer poder traballar con este grupo e con cada unha delas.
