O HC Borbolla da Ok Liga Prata é a esperanza do club coruñés para manterse na elite o seguinte curso, toda vez que o primeiro equipo ten confirmado o seu descenso matemático.
O adestrador de ambas as dúas plantillas, Santi Martínez, ten claro ao respecto do cruce entre tomatitas e verdibrancas que “os partidos co Liceo son sempre moi intensos e con moita rivalidade, sá, pero rivalidade”.
O tecnico das de Monte Alto argumenta: “Este ano enfrontámonos en dúas ocasións na liga autonómica e foron partidos con resultados moi parellos. Na súa pista empatamos, e na nosa lles gañamos por un solitario gol”.
“Supoño que este partido será máis ou menos igual aos anteriores, aínda que con respecto a estos últimos, elas se teñen reforzado moi ben coa chegada da internacional chilena Bea Gaete, e coa chegada da galega Cristina Diz, o que fai do conxunto liceísta un bloque máis potente”, advirte o técnico do HC Borbolla.
O técnico do HB Borbolla ve no HC Liceo a “un dos favoritos”
Para Santi Martínez, o HC Deportivo Liceo é un rival “moi forte, un dos favoritos. Teñen unha gran porteira que lles dá moitos puntos. E un equipo moi equilibrado. O seu obxectivo é ascender si ou si. E para iso levan traballando todo o ano. Vai ser moi difícil de bater sobre todo desde a chegada deses dous últimos reforzos”, sinala o adestrador coruñés.
O HC Borbolla ten como meta na Ok Liga Prata recuperar a praza na elite estatal do hoquei sobre patíns feminino. “Esta competición da dereito ao ascenso de dous equipos á Ok Liga. E tanto o Liceo como nós estamos entre os catro favoritos para logralo xunto co CP Alcorcón e o CP Las Rozas”.
