Santi Martínez, adestrador do HC Borbolla, explicaba logo do encontro que o conxunto galego gañou esta última fin de semana ante o CP Las Rozas, que viviron o cruce “coma un partido máis”. Pero en realidade venceron a un posible rival directo na seguinte fase, polo que estos puntos e estos goles, poden contar dobre.
Así e todo, o técnico galego defende que non foi sentido como un enfrontamento diferente. “Aínda que poida parecer unha frase feita, o certo é que é así. Afrontamos todos os partidos sabendo que serán moi compricados. A diferencia era que sabiamos que estos puntos poden ser importantes para a segunda fase da competición”, admitía o adestrador das tomatitas.
Sexa como sexa, gañar é sempre positivo, así que o preparador das coruñesas ve esta vitoria ante as madrileñas como algo bo conte ou non para o futuro. “Polos partidos adiados, este triunfo pode ser unha vitoria moi importante ou que so nos faga sumar confianza en nós mesmas”, apostilla o preparador galego.
Esta incertidume vén dada polo feito de que o HC Borbolla aínda non sabe se o CP Las Rozas será ou non un dos rivais aos que terá que medirse no seguinte estadío competitivo.
O Borbolla fixo un gol no arranque de cada metade
O conxunto galego viuse beneficiado por ter acadado dous goles no arranque de cada tempo, algo que lles serviu para encamiñar cada metade do partido. “Saímos coa idea de tentar levar o partido ao terreo que nos conviña”, explica Santi Martínez.
“Buscamos sacar partido do noso xogo de posesión e circulación da bóla, un xogo combinativo, presión e sen olvidar as saídas rápidas á contra. Sabiamos que ao CP Las Rozas lle gusta defender pechadas e saír ao contragolpe de xeito rápido. Axudounos marcar pronto, sobre todo o 0-2 ao principio da segunda metade. Iso provocou que as madrileñas tivesen que arriscar máis e descoidasen a súa defensa”, relata o adestrador do HC Borbolla.
Santi Martínez, adestrador do HC Borbolla: “Buscamos sacar partido do noso xogo de posesión e circulación da bóla, un xogo combinativo, presión e sen olvidar as saídas rápidas á contra”.
As herculinas rematan esta fase da competición cun triunfo que lles aportará moral decara a fase decisiva, na que se xogarán a permanencia na categoría, e que comezará en febreiro. “Gañar sempre reforza a moral, e máis a un equipo acabado de ascender e novo como é o noso. Ven que o traballo dá os seus froitos e iso axuda moito ao grupo”, admite o técnico Santi Martínez.
O adestrador do HC Borbolla, Santi Martínez, sinala: “Sabiamos que ao CP Las Rozas lle gusta defender pechadas e saír ao contragolpe de xeito rápido”
Aínda así, o conxunto galego afronta agora un tempo de espera que non agrada no club de Monte Alto. As coruñesas volven ter que parar de xogar un bo momento no que estaban atopándose cómodas nas pista. Son un equipo novo que precisa rodaxe e confianza e frenazos na súa progresión, non adoitan ser beneficiosos.
Ata que empece a segunda parte da competición, en febreiro, estarán dúas semanas sen disputa partidos. E xusto aí comezará o tramo máis importante da competición este curso para as tomatitas. Será nesta segunda etapa da Ok Liga Feminina cando se decida o seu futuro no vindeiro curso. Será aí, cando o HC Borbolla empezará a xogarse a vida.
Santi Martínez, entrenador do HC Borbolla: “Axudounos marcar pronto, sobre todo o 0-2 ao principio da segunda metade. Iso provocou que as madrileñas tivesen que arriscar máis e descoidasen a súa defensa”
