Santa Isabel, epicentro da loita galega esta fin de semana

• O recinto deportivo do pavillón municipal de Santa Isabel en Santiago de Compostela acolle varias competicións hoxe sábado 13 de marzo.
• En xornada de mañá dispútase aI Copa de Galicia de Loita Libre Olímpica, Loita Feminina e Grecorromana.
• Pola tarde celébrase o Campionato Galego de Grappling masculino e feminino.

A Federación Galega de Loita en colaboración co Club de Loita Stellae e o Concello de Santiago de Compostela, organizan dúas competicións de ámbito galego que contan cun total de 158 inscricións para ambos campionatos. Por un lado a Copa Galicia de Loita Libre Olímpica, Loita Feminina e Grecorromana, e por outro o Campionato Galego de Grappling masculino e feminino.

A burbulla da Federación Galega de Loita e Disciplinas Asociadas ten en Santiago de Compostela, a primeira competición organizada en Galicia nos últimos 13 meses. Este sábado será o punto de arranque desta nova tempada.

A seguridade e os protocolos COVID-19, rexerán ambas competicións galegas, establecendo un marco único de seguridade para todos os participantes. A obrigatoriedade de facer os test de antíxenos naseo-faríngeos, previos a competición, serán a grande novidade de estes eventos. En total haberá 20 equipos que representan as 4 provincias Galegas neste torneo de máximo nivel autonómico.

Son probas selectivas para os campionatos de Esapaña

Estes campionatos serán unha proba selectiva, para participar nos campionatos de España deste ano 2021. No caso das Loitas Olímpicas, o próximo gran evento, será o 27 e 28 de marzo en Santiago de Compostela, onde organizaremos os Campionatos de España U-15, U-17 e U-23 de Loitas Olímpicas, sendo o centro da Loita e nivel nacional.

A competición desenrolarase en xornada de mañá, dende as 10:00 ata as 14:00 horas, de xeito ininterrompido, sendo a entrada o campionato totalmente contralada polo protocolo COVID-19 e gratuíta para os asistentes e curiosos que queiran achegarse.

Este campionato será o primeiro filtro para seleccionar os deportistas que acudirán os campionatos de España representando a Galicia:

• 27 e 28 de marzo en Santiago de Compostela: Campionato de España de Loitas Olímpicas U-15, U-17 e U-23.
• 10 e 11 de abril en La Nucía (VAL): Campionato de España de Grappling e Grappling-Gi.

As galegas, referentes estatais feminina na loita

Os seleccionadores galegos estarán moi pendentes dos resultados dos deportistas para confeccionar as diferentes seleccións galegas. Cabe destacar o aumento no número de deportistas femininas que compiten, sendo Galicia un referente a nivel nacional no deporte feminino.

Por outra banda o Colexio Galego de Árbitros e Xuíces, que está de noraboa polas últimas convocatorias dos nosos árbitros para participar en eventos internacionais coa selección nacional, dirixirán esta competición que se desenrolará en tres tapices oficiais de 10 x 10 metros, cos novos valores do arbitraxe Galego. De este xeito, poden avaliar o nivel dos colexiados que acudirán os vindeiros campionatos de España, representando a Galicia.

Por último, agradecer a inestimable colaboración do Concello de Santiago de Compostela, aberto sempre o deporte e que garante que estas competicións podan levarse a cabo, o Club de Loita Stellae de Santiago de Compostela, a Secretaría Xeral para o Deporte e a Deputación de Coruña, así como os patrocinadores privados colaboran para que sexa posible organizar este tipo de eventos.

HORARIOS DE COMPETICIÓN DOS CAMPIONATOS DE LOITA

Santiago de Compostela acolle o Campionato Galego de Grappling