- O CRAT Residencia Rialta viaxa a Cataluña para disputar o seu último partido do ano 2022 diante o Sant Cugat.
As coruñesas son quintas na clasificación da liga Iberdrola a só un posto do último lugar que dá acceso ás semifinais polo título, ocupado precisamente polo seu rival hoxe sábado 17 de decembro a partir das 14 horas, o Sant Cugat. Aínda que entre os dous conxuntos que disputarán o primeiro choque da segunda volta hai nove puntos de diferenza. O CRAT Residencia Rialta necesita vencer para non afastarse desas posicións de privilexio, reducir a distancia co Sant Cugat e, por suposto, non verse inmerso en parte baixa da táboa, tan perigosa.
As dinámicas de ambas as escuadras son completamente opostas. O CRAT Residencia Rialta suma catro derrotas consecutivas, mostrándose incapaz, polo momento, de vencer como visitante. O Sant Cugat acumula cinco vitorias no seu últimos cinco encontros. De feito, as catalás caeron nos dous primeiros encontros da tempada e, desde entón, só saben gañar. O partido inaugural da campaña foi en Elviña onde as galegas superaron con rotundidade ao Sant Cugat. O CRAT Residencia Rialta quere repetir resultado en terras barcelonesas e romper así a súa mala serie de resultados.
O infortunio non só abarca ao ámbito da clasificación. No pasado choque en Eibar, as coruñesas viron como as locais remontaban e impoñíanse e, ademais, como Quen tiña que ser atendida sobre o terreo de xogo por un golpe na cabeza nos últimos lances do duelo. Quen Makkinga viaxará coa expedición galega, pero non xogará por precaución. É unha baixa máis, moi significativa pois a neerlandesa é a principal anotadora de ensaios das xogadoras que adestran Jos, Pakito e Juan Carlos.
Este será o último partido de Ceci, probablemente, no que resta de tempada. Por motivos laborais, a capitá se muda a Alemaña no que será un ata logo, xa que regresará á Coruña despois de tres meses. Así, a parella de centros titulares do CRAT Residencia Rialta non poderá formar en Sant Cugat. A liña de tres cuartos é a máis castigada polas ausencias.
Convocatoria do CRAT para xogar co Sant Cugat
As coruñesas confían en ir, aos poucos, recuperando ás lesionadas e, coa chegada da internacional irlandesa Anna Caplice, ir dispoñendo de máis alternativas nas posicións de atrás. Para este partido en Sant Cugat, o CRAT conta con Miriam, Tere, Ali, Valle, Nicky, Maica, Kimy, Pimi, Rumi, Judith, Maitane, Maria Morant, Copi, Tania, Alba Lalín, Leire Gorrotxategi, Anita, Alejandra, Ceci, Selene, Elsa e, como dubida ata última hora, Alevín. Paula Medín está entre algodóns para o encontro en Barcelona e, de ser da partida, serían 22 as convocadas de 23 que permite a normativa.
Ver esta publicación en Instagram
Este partido en Cataluña marcará o devir inmediato dun CRAT Residencia Rialta que quere e necesita sumar xa unha vitoria a domicilio aínda que, esta vez, tóquelle contra o peor rival posible nun momento non propicio para iso.
