O entrenador do Dépor ABANCA, Manu Sánchez, atópase “forte e tranquilo” para enderezar os malos resultados que o equipo colleita na última tempada. Cuestionado polas derradeiras derrotas nos partidos – saldadas onte con oito goles do Atlético de Madrid fronte a un acerto coruñés-, o responsable asegurou non sentirse “cuestionado” senón “con ganas de revertir a situación” e “seguir traballando para modificar moitas cousas”.
O técnico Manu Sánchez indicou que “ten que haber un punto de inflexión no campo”, e que non é tempo de “buscar escusas”. “Isto é fútbol estamos na élite e é o momento de tratar isto como se merece. É o momento de ser duros, eu o son comigo mesmo moitísimo e hai que ser claros coas xogadoras”, afirmou.
Manu Sánchez, adestrador do RC Deportivo ABANCA: “Ten que haber un punto de inflexión no campo. Non é tempo de buscar escusas”
Na liña de asumir o declive na traxectoria deportiva de As Nosas deportivistas, Sánchez foi o primeiro en entonar o mea culpa. “Se os resultados non chegan, está claro que a primeira mirada vai sempre cara o banco. Nese sentido, eu estou tranquilo. Estou moi orgulloso da xente que está a traballar comigo, porque somos os nosos maiores críticos”, dixo o entrenador.
Reparar a “fraxilidade defensiva global”
Nin el nin o equipo, admitíu, estiveron “á altura nin do escudo, nin da categoría que estamos a xogar”. O período de calma que se abre agora será o campo de traballo para “reflexionar” sobre as estratexias a levar a cabo, enfocadas en “mirar a competición de verdade” e reparar unha “fraxilidade defensiva global” do grupo que “non é propia”.
Manu Sánchez, adestrador do RC Deportivo ABANCA: “Non estivemos á altura nin do escudo, nin da categoría que estamos a xogar”
“Tanto eu como elas mesmas ganáronse a pulso o crédito que temos hoxe. De feito, este ano non estamos a ver a ningún dos equipos recén ascendidos achegarse aos números que fixemos nós o ano pasado, e iso non é casualidade”, apuntou nese sentido o técnico, que lembrou que a que vive agora mesmo o RC Deportivo ABANCA é “unha situación que pode darse no fútbol”, pero que “ten outra cara á que temos que tratar de chegar”.
Incorporacións recentes como a de Eva Dios, que o técnico festexou na rolda, poden ser un paso no camiño. Sánchez asegurou atoparse “moi contento” coa centrocampista, á que considerou un reforzo necesario ante as frecuentes “lagunas en moitas posicións do equipo”.
Os seguintes pasos
O técnico recoñece que “agora mesmo” o equipo recibiría “ben calquer reforzo”, pero decántanse por detectar “os erros e atacalos, porque é imposible que poidamos mudar ás 22 xogadoras”. O período de traballo ao que se enfrontarán as deportistas nas próximas semanas vén xa precedido doutro de cambios que Sánchez tildou de “drásticos”, e que desembocaron “nunha semana totalmente atípica na que o que buscábamos era que estiveran cómodas, cun ambiente de traballo pero distentido”.
Manu Sánchez, entrenador do Dépor ABANCA: “Recibiríamos ben calquer reforzo, pero o que hai é que detectar os erros e atacalos, porque é imposible que poidamos mudar ás 22 xogadoras”
A estratexia non producíu o desenlace agardado, pero o entrenador desbota que se trate dun “problema de concentración”. “Que non cheguen os resultados xera ansiedade, pero está claro que o primeiro problema témolo co balón. É un momento difícil, pero hai que asumilo con valentía”, engade.
Na liña de reverter a situación con traballo e dedicación, a plantilla deportivista adestra esta tarde ás 17:30 horas na Cidade Deportiva de Abegondo.
O conxunto branquiazul non ten competición liguera na Primeira Iberdrola. A vindeira cita das deportivistas será o domingo 6 de decembor en Eibar.