“Con ganas, ánimo e unha enerxía diferente”. Así ve Manu Sánchez ao seu equipo, o Dépor ABANCA, despois do parón da Liga Iberdrola e de vencer no amistoso contra o Viaxes Interrías. “É o momento de dar un golpe e demostrar que non somos o equipo que di a táboa agora mesmo que somos”, sentencia o adestrador.
Os resultados sitúan ao conxunto branquiazul como colista, con cero puntos, unha situación que deberán reverter no partido deste sábado contra o Eibar ás 12:00 horas. As dúas semanas sen competición sentáronlle ben ás deportivistas. Segundo Sánchez, “viñamos dunha dinámica moi negativa e para acurtar dalgunha forma esta tendencia foi (o parón) positivo”.
A confianza renovada do equipo de Sánchez
A contundente vitoria no amistoso da pasada fin de semana serviu para “recuperar un pouco a confianza e que fixeran cousas que non se atrevían a facer. Tamén aproveitamos para ver a aquelas xogadoras que están a ter menos minutos e ver en qué estado están”, resumiu Sánchez.
Así, o conxunto herculino recuperou enerxía e ten “moitas ganas de empezar a revertir a situación. Creo que se traballou ben estas semanas, estiveron bastante enchufadas e estivemos planificando o que ven por diante”.
En fronte, terán a un rival nada fácil. Cun campo de herba artificial, algo que perxudicará ao Dépor ABANCA, o Eibar defenderá o seu feudo para ascender na clasificación.
Manu Sánchez, técnico do Dépor: “O Eibar xoga un fútbol moi directo, correoso e que non da por perdido ningún balón”
Un equipo cun “fútbol moi directo, correoso e que non da por perdido ningún balón nin o partido ata que remata” ademais de xogar con transicións moi rápidas e cunha intensidad moi alta, resume Sánchez. Noutras palabras, cun “fútbol de guerra”.
Algo co deberán que loitar as coruñesas para sorprendelas. O Eibar basease nun xogo claro e cun adestrador, Iker Dorronsoro, que cree no seu modelo e “fai crer ás súas xogadoras no que fan. Iso fai que sexa un rival máis complicado no seu campo. Son fortes, pero trataremos de buscar as súas debilidades, que as teñen”.
A hora do cambio
Así, o adestrador deportivista cre que o rival farainas cambiar o seu propio xogo, pero admite que “é a hora da verdade, de asumir e de cambiar certas cousas”. Unhas modificacións tanto colectivas como individuais e que afectan a xogadoras e corpo técnico. Porén, engade que non se pode tirar pola borda o traballo destes anos pasados, así que a solución pasa por “mirar cada unha hacia dentro e pensar en qué e por qué se está fallando”.
Manu Sánchez, técnico do Dépor: “Como equipo de fútbol profesional, temos que estar preparadas”
En liñas xerais, estes cambios van dirixidos aos comportamentos que “como equipo creo que non son habituais en nós e quizáis este plantel non estea deseñado para este tipo de solucións que imos buscar para o partido. Pero nós, como equipo de fútbol profesional, temos que estar preparadas para iso”.
Despois dos erros indiscutibles fronte ao Atlético de Madrid na última xornada, Manu Sánchez agarda ver a un Dépor diferente na súa viaxe a Eibar. “Toca un partido complexo”, admite.
Durante unha tempada tamén complexa. Tras uns inicios moi bos no fútbol profesional, o conxunto feminino do Deportivo non levanta cabeza neste curso. “É un equipo que non está acostumado a perder e vivir este tipo de situacións”, recorda o seu técnico.
E, cómo xestionalo? “Hai que asimilar que esta é a realidade. É fútbol profesional e calquera pode gañar a calquera. Da mesma forma que o ano pasado fixemos números que batiron récords dun debutante na categoría, este estamos vivindo a outra cara da moeda”, explica.
Manu Sánchez, adestrador do Dépor ABANCA: “Da mesma forma que o ano pasado fixemos números que batiron récords dun debutante na categoría, este estamos vivindo a outra cara da moeda”
A solución segue clara. “O que non podemos é baixar os brazos nin deixar de intentalo. Hai que traballar, buscar a solución e animalas a elas, que ao final son as que teñen que sacalo no campo”, di Sánchez.
Así, para o próximo encontro, as branquiazuis teñen unha boa oportunidade para demostrar do que son capaces. “A nivel de equipo temos un plan de partido diferente, que pensamos que é o que nos pode achegar o máximo posible á vitoria”, declara o adestrador.
Quenes non poderán aportar a súa achega a este encontro son Kenni e Sullastres, que continúan de baixa, a primeira delas por problemas musculares nos cadrís e a segunda por un “tema complicado no ombro”. Polo tanto, deberán apoiar ás súas compañeiras desde a distancia na que, con sorte, será á volta ao bo camiño do Deportivo.
