A San Silvestre máis Silvestre que organiza a SG Pontevedra, pecha as inscricións en web cun bo rexistro, superando as 2000 persoas inscritas. A popular carreira do Nadal terá lugar o 31 de decembro, e nela participarán en total 2092 persoas.
Segundo apunta o club de Pontevedra, as inscricións realizábanse por quendas horarias. En total son 17 saídas cada 20 minutos de 150 persoas por saída; polo que os que participan teñen que escoller o horario que lles viñese mellor. Os horarios da tarde tiveron enseguida éxito e foron os primeiro que se encheron, destacando o horario orixinal da carreira, ás 17:00h, que foi o que máis rápido chegou aos 150 participantes.
As quendas que aínda teñan ocos, seguen abertas peroas inscricións faranse de xeito presencial a partir do luns, 27 de decembro. A xente só se poderá inscribir nos horarios que non están cheos. Poden facelo co mesmo horario que a recollida de dorsais. Dende o luns, 27 ata o xoves 30 de decembro na Casa da Luz, en Pontevedra. O horario será de 10:30h ata ás 13:30h pola mañá e de 16:30h ata ás 19:30h pola tarde.
🔢 Dorsais
📍 Na Casa da Luz (praza da Verdura, s/n)
📅 Do luns 27 ao xoves 30 de decembro
⌚ De 10:30h a 13:30h e de 16:30h a 19:30h🥛 Cambiamos 1kg de produtos de alimentación imperecedoiros por unha camiseta da San Silvestre máis Silvestre 👕 pic.twitter.com/EueYvEd4fu
— Sociedad Gimnástica (@SGimnastica) December 27, 2021
No momento de recoller o dorsal, as persoas inscritas poden aportar voluntariamente 1€ como xeito de agradecemento á organización. Ademais, os encargados de dar os dorsais entregarán a camiseta da San Silvestre máis Silvestre a cambio dun quilogramo de produtos alimenticios non perecedoiros, que se doarán ao Banco de Alimentos. Só poderán participar no evento os que teñan dorsal visible.
