A organización da carreira San Silvestre Coruña comunica que o percorrido que finalmente terá esta cita do atletismo coruñés será Riazor-Torre de Hércules-Riazor. Debido ás obras que se están realizando no paseo marítimo, entre Adormideras e o dique de abrigo, diante da imposibilidade de realizarse neste traxecto por seguridade óptase polo percorrido alternativo.
Percorrido da San Silvestre Coruña 2023:
- Saída: Diante do estadio de Riazor en sentido da circulación do tráfico rodado dirección Torre de Hércules.
- Meta: Diante do estadio de Riazor.
Horarios:
- Respecto a os horarios, as probas de infantil A (+/-1000 m), infantil B (+/-500 m) e infantil C (+/-100 m) serán ás 10:30, 10:45 e 11:00 h. respectivamente.
- A saída absoluta será ás 11:30 horas, seguindo a seguinte orde: Caixón A (Participantes con tempos inferiores a 31 minutos), caixón B, Marcha Nórdica, andaina e, último caixón, a CanSilvestre.
As inscricións para participar na carreira San Silvestre Coruña seguen abertas ata esgotar os últimos dorsais ou ata o martes 26 de decembro vía en liña.
Como inscribirse
As persoas interesadas en tomar parte na carreira San Silvestre Coruña poden inscribirse a través da APP oficial gratuíta (San Silvestre Coruña), as páxinas web www.sansilvestrecoruna.com e www.championchipnorte.com.
O prazo de inscrición esténdese ata as 23:59 horas do 26 de decembro de 2023 ou ata esgotar os dorsais.
Para obter máis información e detalles sobre o evento, visita a web da carreira: www.sansilvestrecoruna.com.
