O Campionato Galego de Loitas Olímpicas deixou ao club San Ignacio como campión. O equipo resultou vencedor en todas as modalidades, sendo tamén campión feminino,con 115 puntos.
A competición, que se desenvolveu no pavillón de Santa Isabel de Santiago de Compostela, contou con dez clubs na competición feminina, entre os que estivo o San Ignacio. Este foi o derradeiro torneo do 2021, e para o 2022 a Federación Galega de Loita e D.A. (Fegaloita) ten unha gran cita: a preparación do Campionato Galego que servirá de clasificatorio para os campionatos estatais. Esta proba está programada para finais de xaneiro.
Tras o ouro do San Ignacio, o Club de Loita de Pontevedra foi o segundo mellor clasificado na feminina, con 75 puntos, seguiuno o Club de Loita Atila de Ourense, con 70. Tamén competiron o CLub de Loita Kuzushi (40 puntos), Club de Loita Ciudad de Vigo (25 puntos), Escuela Ayude de Santiso (25 puntos), Club Loita Lugo (25 puntos), Club de Loita Keltoi de Vila de Cruces (25 puntos), Club Senin (20 puntos) e Club de Loita El Castro (20 puntos).
Na clasificación xeral o Keltoi logrou a prata e o Club de Loita de Pontevedra o bronce.
O calendario de Fegaloita para o 2022
No vindeiro ano, ademais de preparar o Campionato Galego, a Fegaloita organizará os campionatos de España de Loitas Olímpicas U15, U16 e U23 en marzo. En xuño será o turno do 2º Ránking Series Mundial de Loita Praia.
En outubro celebrarase o Campionato do Mundo de Grappling U17 e U20 e o Campionato do Mundo U23 de Loitas Olímpicas.
