- En varios arenais coruñesas vanse impartir actividades de tempo libre e salvamento deportivo por parte do persoal de socorrismo do Concello herculino, que organiza catro sesións diarias.
O Concello da Coruña colabora a través do seu persoal de socorrismo de praias en actividades de tempo libre e salvamento deportivo. Estas formacións están coordinadas pola Federación de Salvamento e Socorrismo de Galicia e van dirixidas a nenos e nenas de entre 4 e 16 anos (FESSGA).
Durante os meses de xullo, agosto e ata mediados de setembro os socorristas ofrecerán formación de maneira totalmente gratuíta nas praias de Riazor, Orzán e San Amaro. As leccións lévanse a cabo en sesións de unha hora e media e o seu principal obxectivo é o lecer das persoas participantes, ao mesmo tempo que reciben instrucións de utilidade en caso de emerxencia.
Os nenos e nenas que participan aprenden leccións básicas en salvamento deportivo, unha disciplina pouco coñecida e que pode ser de grande importancia en determinadas situacións de perigo. Hai dispoñibles catro sesións diarias, de luns a venres, que dan comezo ás 11.00, 13.00, 16.00 e 18.00 horas.
Onde inscribirse nas actividades de salvamento?
Para realizar as inscricións é suficiente con acceder a páxina web oficial da Federación de Salvamento e Socorrismo na seguinte ligazón. Segundo informa o Concello da Coruña, ante calquera dúbida coa inscrición pódese acudir uns minutos antes das sesións aos postos de socorrismo, nos cales se deben presentar os nenos e nenas ao inicio de cada clase.
