O ENCE Marín Futsal, xa está salvado e aspira agora a máis. A Raña acolle o cruce entre as locais e o FSF Mósteles. Será mañá, sábado 16 de abril, ás 17:00 horas.
Aspira o ENCE Marín Futsal a poder sumar de tres e irse distanciando dos postos máis complexos e afianzándose na zona morna da clasificación, pero, tal e como dicía o seu adestrador, Raúl Jiménez, ao final do partido co Joventut d´Elx no que certificaron a salvación, o equipo non renuncia a nada. Agora son novenas. En fronte terán a FSF Móstoles, cuartas clasificadas. Sepáranlles sete puntos na táboa.
Os seus obxectivos eran diferentes. As galegas tiñan por obxectivo manter a categoría nesta a súa primera tempada na elite do futsalfem estatal: reto conseguido. Por contra, as madrileñas queren manterse nesa zona nobre e chegar a xogar o play-off polo título de Liga nesta Primeira División do FSF da RFEF.
Así chegan ao cruce Marín e Móstoles
A escuadra de Móstoles so conseguiu dous puntos nos tres últimos partidos polo que está en liña descendente. Perdeu co Burela (2-3), empatou co AD Arriva Alcorcón FSF (4-4), e co Rayo Majadahonda AFAR 4 FSF (1-1). Pola contra, as galegas reciben ás madrileñas logo de catro vitorias consecutivas colleitadas con Ourense Envialia (1-0), AE Penya Esplugues (0-2), Sala Zaragoza (3-1) e Joventut d’Elx FS (2-3).
Ver esta publicación en Instagram
