A atleta galega Saleta Fernández López bate o récord galego en categoría absoluta en salto de altura en pista cuberta. A monfortina acudiu ao control que se levou a cabo no transcurso do XXVII Campionato de Cantabria Absoluto de Inverno. Saleta Fernández foi quen de superar co seu salto os 1,86 metros.
No intento de 1,88 metros a atleta galega no tivo a mesma sorte. Saleta Fernández supérase deste xeito a si mesma xa que o récord que vén de tirar abaixo ostentábao ela cunha marca de 1,84 metros.
A deportista compite polo Valencia Club Atletismo a súa tarxeta de saltos neste Campionato de Cantabria Absoluto de Inverno foi a seguinte: 1.10 -/1.20 -/1.25 -/1.30 -/1.35 -/1.40 -/1.45 -/1.50 -/1.54 -/1.58 -/1.62 -/1.66 O/1.70 O/1.75 O/1.80 O/1.83 O/1.86 XO 1.88 XXX
En segundo lugar nesta proba de salto de altura figurou a atleta do Club de Atletismo Ría de Ferrol – Concepción Arenal Rocío Díaz Granda que chegou a saltar 1,54 metros.
O terceiro lugar foi para Maite Granja De Zuasnabar, do club Carbonero Castro, que superou os 1,40 metros.
