O Swedish Armed Forces Adventure Team (SAFAT) é xa o novo campión do mundo de carreiras de aventura tras cruzar na primeira posición a liña de meta da Raid Gallaecia-AR World Championship 2021 na Coruña. Despois da saída en Monforte de Lemos, o equipo no que está a deportista Malin Hjalmarsson chegou a meta cunha marca de catro días, unha hora e 56 minutos.
O equipo do exército sueco fíxose co liderado do Raid Gallaecia mediado o sector 5, de 65 quilómetros de trekking a través do Parque Natural das Fragas do Eume e a Reserva de Biosfera Mariñas Coruñesas e Terras do Mandeo. O conxunto escandinavo superou aos estonios do Estonian ACE Adventure-La Sportiva nos altos de Verís, ao redor das 23:00 horas de onte, martes 5, antes de comezar o descenso hacia Ponte de Aranga para dirixirse a Betanzos pola ribeira do río Mandeo.
Precisamente en Betanzos arrincou a sección 6 do Raid Gallaecia, unha viaxe curta en kaiak de 10km pasando por Bergondo e a súa ponte do pedrido e ata Sada. A Perla das Mariñas é o punto de inicio do sétimo e último tramo, un novo percorrido a pé ao longo da Costa de Dexo. Os equipos cubrirán os últimos 25km pasando por Lorbé, o monumento natural da Costa de Dexo, Mera, Santa Cruz, Bastiagueiro, Santa Cristina e Ponte da Pasaxe antes de cruzar a meta no Parrote da Coruña.
O equipo campión do Raid Gallaecia
O novo campión do mundo está capitaneado por John Karlsson, ao que acompañan Oskar Svärd, Emil Dahlqvist e Malin Hjalmarsson como compoñente feminina. A formación escandinava gañou este ano unha carreira das Adventure Racing World Series (ARWS), a Nordic Islands Adventure Race (NIAR), que tivo lugar no seu propio país a comezos de xuño.
É a segunda vez en 17 edicións que Suecia conquista o campionato do mundo de carreiras de aventura, despois de que o Thule Adventure Team gañase en Australia hai dez anos, no 2011.
🎥 Así chegaron os membros do SAFAT, John Karlsson, Oskar Svärd, Emil Dahlqvist e Malin Hjalmarsson‼️
A Coruña foi sede da @ARWC2021 e meta do Campionato. Os deportistas percorreron máis de 600 quilómetros polas provincias de Lugo, Ourense e A Coruña desde o sábado 👏👏 https://t.co/VCNcOzMjvO pic.twitter.com/pE2WZaP0Pw— A Coruña Deportes (@coruna_deportes) October 6, 2021
Por detrás do campión, o Estonian ACE Adventure-La Sportiva, líder do Raid Gallaeciadurante moitos quilómetros e agora segundo clasificado, atópase no último sector, aínda que outro equipo sueco, o NIAR Adventure Racing Team ocupa a terceira posición non moi lonxe dos estonios. Aínda na ría de Betanzos navega o Torpedo Vidaraid, cuarto clasificado e primeiro español.
O 400team Naturex francés, que comandou a carreira na sección 1, y el Blizzard ruso, líder ao comezo da sección 2, abandoaron nas Pontes. O conxunto galo decidiu seguir en marcha ata A Coruña con tres compoñentes debido á lesión de Nicolas Seguin, polo que non entrarán na clasificación final.
Trece equipos que non pasaron o corte de Quiroga, o luns ás 16:00 horas, foron repescados pola organización da Raid Gallaecia e continuaron a carreira desde As Pontes, aínda que fóra do ránking oficial. Ao longo da tarde-noite do mércores irán chegando á meta da Coruña.
O evento conta entre os seus colaboradores coa fundación ENKI, que tamén colabora no proxecto Marines que participou na Coruña 10.
Rocío Alfonso (Marines ENKI): “No deporte estamos completamente normalizados”
A historia do ARWC
O ARWC é unha competición única. Non son moitos os lugares no mundo que poden presumir de organizar un Campionato do Mundo. E moito menos se se trata do Campionato do Mundo de carreiras de aventuras, disciplina multideportiva moderna, pero que xa conta cun percorrido histórico importante e cun gran número de federados e afeccionados.
As orixes deste deporte remóntanse aos anos 60 do século pasado, coa organización da Karrimor International Mountain Marathon (1968, Gran Bretaña), unha carreira de montaña que se disputou por parellas e nas que os participantes debían cargar con todo o material necesario para subsistir ao longo de dous días.
O Raid Gauloises (1989, Nova Zelanda) foi a primeira proba que incluiu todos os elementos actuais das carreiras de aventuras tipo expedición: equipos mixtos, varios días de competición e máis de 400km combinando as disciplinas de trail, bicicleta de montaña, kaiak, cordas e orientación.
O primeiro Campionato do Mundo de raid de aventuras tivo lugar fai xusto vinte anos, no 2001, e esta será a edición número 17, xa que a proba non se disputou en 2002, nin 2003, no 2019 cancelouse e no 2020 non se puido celebrar pola pandemia.
Pola súa parte, o Raid Gallaecia naceu no 2013, aínda que viña disputándose con distintas denominacións desde o 2005. Tras a edición inicial de 2013, ao ano seguinte foi o Campionato de España da especialidade e no 2015 entrou nas AR World Series co nome de Raid Gallaecia Expedition Series Spain, adquirindo carácter bienal. Tras as edicións de 2017 e 2019, este ano organiza o AR World Championship que terá lugar por segunda vez en España. O Bimbache Extrem, en Castela e León, xa tivo a honra de acoller o AR World Championship no noso país en 2010.
