Dentro dos obxetivos da concellería de Deportes do Concello de Sada pretendese “reactivar a piscina municipal dotandoa de actividade, fomentando un dos deportes mais completos e engadindo como novidade a iniciación en técnicas de salvamento dunha forma lúdica coa que se pretende dinamizar a actividade”.
Desde a concellería de Deportes ofertaranse a partir do mes de outubro distintas actividades na piscina para os usuarios tanto infantís como adultos e ademáis prográmanse disciplinas de fitness e mantemento, ás que terán acceso as persoas abonadas, que abarcan por un lado o público seguidor de actividade intensa que combina cardiovascular, forza e resistencia, e por outro o público que precisa baixo impacto que traballan flexibilidade e coordinación.
Desde hoxe, 30 de agosto, ao 8 de setembro abrirase o prazo de preinscrición que se poderá realizar na propia instalación en horario de 7.30h a 22.00h de luns a venres. Neste prazo os usuarios poderán escoller os horarios e días do curso que queiran realizar.
Explican desde o Concello de Sada que “no tocante a instalación, una vez realizado un estudo de deficiencias, o Concello procederá a realizar melloras e cambios estéticos e de funcionamento na instalación”.
“Estamos a por en marcha a Escola Municipal de Natación e Salvamento, actividades novedosas na sala fitness e tamén a ultimar detalles de redeseño da imaxe da piscina así como facilitar os trámites administrativos para os usuarios. Este mes de setembro completaremos todas as novidades para que as sadenses teñan na súa instalación unha mellora substancial tendo en conta que é precisamente o mes de programación nas familias das actividades extraescolares”, sinala a responsable da área de deportes sadense, Rebeca Mouriño.
