A Copa Xunta de Galicia de técnica (infantil e adultos) é un torneo que ten como obxectivo prioritario a promoción deste deporte, aínda que desde hai catro anos inclúe a categoría competitiva, que outorgará puntos para o ránking galego de técnica. O pavillón municipal de Sada será a sede que acollerá as dúas competicións, o vindeiro sábado 21 de decembro.
Neste torneo participarán aquelas deportistas que acadaron a clasificación nas fases provinciais que se celebraron en novembro, coa participación de 1000 rapaces/as. Un tercio dos participantes da categoría amateur acadaron a participación para a Copa Xunta, mentres que na competitiva os clasificados foron a metade dos participantes.
Na categoría competitiva hai 435 deportistas inscritos. Ademais, na modalidade na que están en xogo puntos para o ránkinga galego de técnica, participarán 161 taekwondistas. Ao mesmo tempo, celebraráse o Campionato Galego de Hapkido con 49 competidores. A competición será en horario de mañá (de 9:00 a 15:30) e a entrada é de balde.
