Ao longo desta fin de semana celebrarase en Sada o Campionato Galego Infantil de Técnica, Exhibición e Freestyle de taekwondo. Esta proba será organizada polo Club Taekwondo Sada, en colaboración coa Federación Galega de Taekwondo.
Foi tal o éxito nas inscricións recibidas (más de 600), que a Federación Galega de Taekwondo veuse obrigada a dividir o torneo en dous días (en sesións de mañá e tarde). Ademais, polas medidas de protección anti COVID-19, non haberá público e as e os participantes terán unha hora de acceso á instalación, para evitar aglomeracións.
En Sada recuperarase a proba de parellas e tríos
Unha das novidades deste campionato é que se recuperou a proba de parellas e tríos en infantil, algo que non se realizaba dende había varios anos, ao suprimir a Federación Española estas probas na categoría infantil. Iso si, só será puntuable para o ranking galego na proba individual.
O Campionato Galego de Técnica dividirase en tres sesións que se repartirán entre o sábado maña e tarde e domingo pola mañá, dado o número de inscricións. E o domingo pola tarde pecharase o Campionato coas modalidades de freestyle e exhibición, segundo informa a FG de Taekwondo.
O torneo poderá ser seguido a través de streaming na canle de YouTube da Federación Galega de Taekwondo
TAPIZ 1
TAPIZ 2
TAPIZ 3
