As karatecas galegas Ruth Lorenzo, Lucía Herrero e Cristy Shedimar teñen unha importante cita competitiva esta fin de semana na Liga Nacional Iberdrola.
A representación galega na primeira Fase da Liga Nacional Cadete, Sénior e Para-Karate, que terá lugar este fin de semana en Guadalajara ascende a sete deportistas. Tres delas son mulleres karatecas, ademais haberá dous home competindo e dous galegos máis que acuden en calidade de árbitros.
Guadalajara acollerá o 3 e 4 de outubro de 2020 a celebración da primeira fase da Liga Nacional de Karate das categorías cadete, sénior e para-karate. A participación galega nesta competición é a seguinte:
Liga Nacional Iberdrola (4 de outubro de 2020)
- Ruth Lorenzo Couso (San Francisco Teo): kumite sénior -55 kg.
- Lucía Herrero Valcarce (River Stone): kumite sénior -55 kg.
- Cristy Shedimar Tojo Velasco (Ávalon Kai): kata discapacidade visual.
Liga Nacional Masculina (3 de outubro de 2020)
- Xavier Santos Veiga (San Francisco Teo): kumite sénior -67 kg.
- Víctor Mallo Rodríguez (EK Franza): kumite sénior -67 kg.
Ademais participarán en calidade de árbitros:
- José Ignacio Muñoz Pérez.
- David González Vázquez.
