A levantadora galega Ruth Fuentefría volve do Campionato de Europa de Ciechanow con tres bronces. A haltera do Club Halterofilia Coruña conseguía o terceiro lugar en arrancada, dous tempos e tamén no total olímpico.
A competición tivo lugar na cidade polaca de Ciechanow que acolle nestes días os Europeos de halterofilia para as categorías Sub-15 e Sub-17.
Nesta ocasión a xornada de domingo tivo como resultado boas novas para a expedición galega. Na categoría de peso corporal 45 kg para levantadoras Sub-17, Fuentefría colleitou ese exitoso bronce. En arrancada, Ruth Fuentefría tivo un intento prometedor para acadar o título continental pero, ao final, a coruñesa tiva que se conformar co terceiro lugar. Superárona no podio a haltera polaca Oliwia Drzazga e a rusa Albina Esanova.
As marcas de Ruth Fuentefría foron de 57 arrancada, 70 en dous temos e 127 no total olímpico.
Tras Ruth, competirá a coruñesa Paula Canedo
A seguinte galega en competir será a tamén coruñesa Paula Canedo que o fará o martes 24 de agosto ás 09.00 horas na categoría de peso corporal 76 kilos dentro da idade Sub-15.
