Esta vez, non pode ser. Despois da espectacular actuación da galega, Alicia Fernández, e da Selección Española no Mundial de Xapón tras acadar por primeira vez a medalla de prata, a deportista queda fóra da lista por mor dunha lesión. Entra a tamén galega Estela Doiro, do Rincón Fertilidad de Málaga. A representación galaica complétase coa xogadora do Mecalia At. Guardés, Carmen Campos, e o adestrador, Jose Prades que estará no corpo técnico.
Pese a estar incluída en anteriores citas coa selección absoluta, a xogadora galega Alicia Fernández, que milita no Ramnicu Valcea, non estará presente entre as 16 xogadoras convocadas por Carlos Viver para adestrarse no Polideportivo Pla de l’Arc de Llíria.
Alicia Hernández, lesionada pero renovada
Alicia Fernández, que acaba de renovar co equipo rumano, está de baixa por unha rotura polo que non poderá acompañar a Selección neste recinto. Trátase do mesmo escenario que albergará tamén o Preolímpico Feminino do 20 ao 22 de marzo de 2020.
Nunca es un buen momento… 🚑 . Una rotura que me deja fuera por un tiempo . Una vez más solo queda trabajar para volver al 100% 🔋💪🏼
#🐢——->🚀 en Aeroportul Internațional Henri Coandă București https://t.co/LRAt09pOVs— alicia fernandez (@aali_fernandez) February 20, 2020
Unha mala nova que se compensa coa entrada da xogadora de A Guarda do Rincon Fertilidad de Málaga, Estela Doiro. Contará tamén con Carmen Campos do Mecalia Atlético Guardés e co adestrador do conxunto guardés, Jose I. Prades, que repite estando no corpo técnico da Selección Española.
A lista foi publicada polo Área de Técnica da Federación Española de Balonmán. A concentración terá lugar do 8 ao 14 de marzo. O obxectivo é continuar traballando no Programa ‘Objetivo 2021’ da man do corpo técnico.
A lista das 16 xogadoras da Selección Española íntegra:
- Portaría | Silvia Navarro (Rocasa Gran Canaria), Nicole Wiggins (KH-7 Granollers).
- Central | Estela Doiro (Rincón Fertilidad Málaga), Silvia Arderius (Super Amara Bera Bera).
- Lateral Dereito | Paula Arcos (Balonmano Elche), María Prieto (Super Amara Bera Bera).
- Lateral Esquerdo | Ana Isabel Martínez (Balonmano Elche), June Loidi (Zubileta Evolution Zuazo), Carmen Campos (Mecalia Atlético Guardés).
- Extremo Dereito | Ana González (Rocasa Gran Canaria), Maitane Echeverría (Super Amara Bera Bera).
- Extremo Esquerdo | Jénnifer Gutiérrez (Balonmano Elche), Soledad López (Rincón Fertilidad Málaga).
- Pivote | Ainhoa Hernández (Zubileta Evolution Zuazo), Elísabet Cesáreo (Super Amara Bera Bera), Kaba Gassama (KH-7 Granollers).
As xogadoras xunto ó corpo técnico centraranse na localidade valenciá de Benisaró, moi cerca de Llíria, onde as Guerreras ‘Objetivo 2021’ exercitaranse en sesións de mañá e tarde ata o próximo 14 de marzo. Unha semana máis tarde buscarán o seu boleto para os Xogos Olímpicos de Toquio 2020 compartindo grupo coas seleccións de Suecia, Senegal e Arxentina.
