Deu a sorpresa o Ulla Oil Rosalía. Despois de toda a tempada como colista e sen lograr ningunha vitoria, as compostelás estiveron preto no partido contra o Adareva Tenerife. Non puido ser nesa ocasión, pero o bo xogo das de Santiago mereceulles os dous puntos nesta ocasión, contra a AD Cortegada. O partido celebrouse en Vilagarcía este xoves, ao estar aprazado desde a quinta xornada da LF2 por humidades no pavillón.
Ambos conxuntos galegos precisaban unha vitoria para deixar atrás os postos máis baixos da clasificación. A AD Cortegada chegaba dunha dura derrota contra o GDKO Ibaizabal e precisaba sumar antes do encontro da fin de semana contra o terceiro, o Extremadura Miralvalle Plasencia. Mentres, as xogadoras compostelás seguían sen gañar ningún partido.
O Rosalía deu a sorpresa
O partido comezou dominado claramente por un conxunto local superior, que marcou 15 puntos no primeiro cuarto fronte aos 8 das visitantes. As de Vilagarcía comezaron a perder foi xa no seguinte cuarto, onde as xogadoras de Chiqui Barros achegábanse perigosamente.
Cun 24-16 chegou o descanso, unha pausa que souberon aproveitar moi ben as compostelás. Nas segunda parte, as xogadoras do Rosalía saíron moi enchufadas e asinaron o que é probablemente o mellor tempo da súa tempada. O 6-19 no electrónico do terceiro parcial decantaba o partido para as visitantes. Especialmente destacada foi a actuación de Cristina Soares. Grazas aos seus 19 puntos, foi a máxima anotadora e MVP do encontro.
Finalmente, tras un último cuarto moi reñido, con oportunidades para os dous equipos, o equipo de Santiago logrou sumar os seus primeiros dous puntos ante un Cortegada que entra nunha racha de derrotas.
PRIMERA VICTORIA DE LA TEMPORADA. PARABÉNS!
Lee más en : https://t.co/SrAIPXvF5p pic.twitter.com/Zy5vGFMHV1— Rosalia FEDESA (@RosaliaFEDESA) November 19, 2020
FICHA TÉCNICA
48) AD CORTEGADA : Patricia Vicente (11), Cristina Loureiro (14), Sara Gómez (7), Teodora Saric (6), Tereza Sedlakova (8)-cinco inicial-. Tamén xogaron: Zeltia Presas (-), Lorena Castro (-), Sofía Blanco (-), Miriam García (2) e María González (-).
55) ULLA OIL ROSALÍA: Carla García (-), Nuria Choren (4), Sara Corredoira (11), Sarai Carro (-), Nerea Liste (2) -cinco inicial-. Tamén xogaron: Ana de Matías (-), Blanca Manivesa (2), Ángela González (5), Cristina Soares (19) e Clara Riera (12).
PARCIAIS: 15-8, 9-8, 6-19 e 18-20
ÁRBITROS: Andrés Seijo e Andrés Esteban.
INCIDENCIAS: Partido correspondente á quinta xornada da Liga Feminina 2 disputado no pavillón municipal Fontecarmoa 1 en Vilagarcía.