O coxunto ourensán ten unha difícil saída o vindeiro sábado ás 18:00 horas. As pupilas de Morenín viaxan a Murcia para xogar no Gabriel Pérez ante un Roldán que leva catro partidos seguidos sumando de tres. Precisamente o mesmo refacho de vitorias que sumán as galegas.
Ainda a boa situación que está a gozar o conxunto murciano, as ourensás chegan ao partido como favoritas, terceiras na táboa e 20 puntos por riba do Roldán. O adestrador galego, Morenín, destacou a boa adaptación do seu rival á nova adestradora: “Roldán leva unha boa serie de resultados. Xa se afixeron á metodoloxía de traballo da súa nova adestradora e é un rival que ten moi claras as ideas”.
Morenín, adestrador do Ourense Envilia: “Roldán leva unha boa serie de resultados. Xa se afixeron á metodoloxía de traballo da súa nova adestradora e é un rival que ten moi claras as ideas”.
A pesar de chegar como favoritas ao partido, Morenín advertía do potencial e do perigo do Roldán: “É un equipo perigoso a balón parado e nas transicións. Conta cun plantel moi xoven e con moita desenvoltura. Será moi difícil puntuar en Murcia xa que ademais adoitan chear o seu pavillón, o Gabriel Pérez”.
Morenín, adestrador do Ourense Envilia: “É un equipo perigoso a balón parado e nas transicións. Conta cun plantel moi xoven e con moita desenvoltura. Será moi difícil puntuar en Murcia xa que ademais adoitan chear o seu pavillón, o Gabriel Pérez”.
Este partido chega tras o descanso da semana pasada, non que non houbo xornada de Liga. “O parón veunos ben para desconectar e para afrontar o partido con ilusión e para seguir coa boa serie e puntuando”, comentaba o galego durante a previa.
As ourensás chegan ao partido coas baixas confirmadas de Marta e Candela por motivos laborais e Iraie que segue lesionada.
