A tenista galega Jéssica Bouzas Maneiro, que fai parella de xogo coa uruguaia Guillermina Grant, chegou ás semifinais do cadro de dobres no Roland Garros Junior. A deportista amosábase “contenta pola experiencia” e agradeceu o alento á xente que lle apoiou “desde Galicia”.
Na primeira rolda o dúo Bouzas-Grant foi quen de se desfacer das cabezas de serie número 1, W.Baszak e E. Jacquemot. No seu seguinte chanzo competitivo eliminaron a S. Costoulas / S.Scilipoti e xa nos cuartos de final impuxéronse á parella conformada por K. Dmitruk / J. Kolodynska.
🎾Jessica Bouzas @tenisferrer
e Guillermina Grant 🇺🇾 caen en semifinals do @rolandgarros Júnior‼️ Grande actuación 👏👏👏👏👏@RFETenis @fedgallegatenis pic.twitter.com/CdtBv9Xzod— En Xogo tvG2 (@EnXogo_tvG2) October 9, 2020
O soño finalizou en semifinais cando Jessica Bouza e Guillermina Grant mediron forzas coa parella rusa conformada por Diana Shnaider e Maria Bondarenko. A galega e a uruguaia comezaron gañando o primeiro set do partido, pero as rusas remontaron.
Diferente papel individual no Roland Garros
Diferente sorte correu a tenista galega no cadro individual onde caeu en primeira rolda diante da letona Kamilla Bartone que se desfixo dela en dous sets cuns tanteos de: 6-1, 6-3.
Os resultados poden consultarse na seguinte ligazón:
