Chegou o último partido da primeira volta para o HC Deportivo Liceo na Ok Liga Iberdrola. Enfronte terá a un rival directo na táboa o Orkla Bigues i Riells. En xogo, poder optar a xogar a Copa da Raíña.
O HC Deportivo Liceo recibe no Pazo dos Deportes de Riazor, na Coruña, ao Orkla Bigues i Riells na 13ª xornada da Ok Liga que porá final á primeira volta da competición. O cruce está fixado para as 20:00 horas. Será xusto despois de que xogue o equipo masculino da OK Liga, un feito que podería levar máis público do habitual ao partido do equipo que adestra Stanis García.
Quedan por decidir tres postos para xogar a Copa da Raíña. Ao HC Deportivo Liceo abóndalle con colleitar un punto nesta xornada. Ao seu rival tamén. As táboas válidas para os dous equipos non é ao que aspira ningún deles. galegas e catalás loitarán polo triunfo en Riazor. Na lista de tarefas para logralo, no caso das galegas, está mellorar a puntaría con respecto aos seus últimos partidos. As coruñesas xeran ocasións, pero non son quen de materializalas. Fallan na efectividade.
Así chega clasificatoriamente o Liceo para entrar na Copa da Raíña
O Orkla Bigues i Riells chega á Coruña ocupando a sexta posición na táboa clasificatoria da Ok Liga Iberdrola con 17 puntos. Un posto por debaixo está o CP Voltregá Stern Motor (16 puntos), e despois, no oitavo lugar, o HC Deportivo Liceo que tamén ten 16 puntos. Na novena praza, coa caña disposta, está o Lidergrip CH Mataró que suma 14 puntos.
