Non é unha alucinación. Por segunda semana consecutiva o Mecalia Atlético Guardés volve a xogar dous partidos. O primeiro, o correspondente a Liga Guerreras Iberdrola. Na xornada 16, reciben na Sangriña ao Rincón Fertilidad de Málaga o mércores 4 de marzo ás 21.00 horas. O domingo volverán sobre a súa pintura para enfrontarse a volta da Challengue Cup ante o Aula Alimentos de Valladolid.
Unha semana máis cargada de balonmán guardés. Outra vez haberá tanto competición nacional como internacional. As galegas permanecen a espera de que cheguen os seus rivais xa que para estas dúas citas contarán coa sorte de xogar na casa, no pavillón da Sangriña. As primeiras en aterrar serán as malagueñas do Rincón Fertilidad.
O Guardés é terceiro na clasificicación xeral con 21 puntos. Tan só o separan tres do Club Balonmano Elche —o rival desta fin de semana do Conservas Orbe Porriño— e sete do líder invicto, o Super Amara Bera Bera. Na xornada anterior as galegas visitaron a pista do Rocasa Gran Canaria e acadaron a vitoria por un 2 goles de diferenza: 22 a 24.
Ademais, todo son boas novas para o conxunto galego. Se na semana anterior, o seu adestrador José I. Prades renovaría para a seguinte campaña, este o fixeron as súas capitás: Lorena Pérez, África Sempere e Marisol Carratú xogarán coa equipación do Atlético Guardés un ano máis.
O Rincón Fertilidad é quinto na táboa da Liga Guerreras
As malagueñas serán o rival do Mecalia na xornada 16. O pavillón da Sangriña acollerá o mércores (4 de marzo, ás 21.00 horas) a cita entre ambos equipos. Na actualidad, o Fertilidad ocupa a quinta posición da clasificación xeral con 16 puntos, cinco menos cas galegas.
Nas últimas cinco xornada, as andaluzas suman tres partidos perdidos e dous vencidos. O Balonmano Salud Tenerife —situado na nove praza— foi o causante da última derrota malagueña a semana pasada por un 28 a 25.
Pero as galegas coñecen moi ben a este equipo. No partido de ida tras ir perdendo de seis goles, o Guardés deulle a volta a tortilla e acadou unha vitoria por tan só un tanto no pavillón do Barrio de la Salud: 27 a 28. Esta vez, Carratú non estivo moi inspirada baixo os paus e Meriem Ezbida a supliu dunha maneira sobresainte.
Minuto 44 e correndo sobre a pintura ía a defender Sarah Valero co puño en alto soltando moita rabia. Acaba de marcar e colocar o luminoso no 21 a 21. Nese intre pulsou o botón do reinicio para as galegas. Borraba o tempo morto de Prades no 7:13, o feito de que Marisol Carratú levase sentada desde o minuto 18 e que no descanso foran cinco abaixo incluso despois de ir perdendo de seis. Ao final, unha vitoria que entende moi pouco de balonmán e moito de corazón, entrega e sacrificio.
Xa tivo que facer un primeiro esforzo o Guardés para repoñerse do 4-1 do primeiros oito minutos. As de Gallardo, comandadas maxistralmente polas irmás López e seguras con Alice Fernandes baixo paus, estaban dispostas a correr ata a extenuación. E nese ritmo tolo perdíanse as ideas do Mecalia.
Aínda así, con amorne e un par de accións serias, as galegas aguantaron o arreón ata o minuto 13.30 (7-7). Despois diso, pódese contar que ata a gardameta local anotou de portería a portería, Sole e Espe López comezaron a encher o seu peto de goles -trece goles entre as dúas- e aos poucos foron desactivando todas as armas do Guardés.
O grupo non estaba a render e había que empezar a buscar solucións. O 16-11 do descanso parecía deixar poucas opcións ao equipo de Prades. Pero nestas primeiras xornadas o sufrimento vén da man do ‘ sentimento’. E da mesma forma que o Guardés é equipo no bo, aínda é máis equipo no malo.
FICHA TÉCNICA
DÍA E HORA: 4 de marzo, ás 21.00 horas.
CAMPO: Pavillón da Sangriña
ÁRBITROS:
INCIDENCIAS: Partido correspondente a xornada 16 da Liga Guerreras Iberdrola de balonmán no que enfrontará ao Mecalia Atlético Guardés co Rincón Fertilidad de Málaga no Pavillón da Sangriña.
