- A fin de semana do sábado 19 e domingo 20 de agosto terá lugar o Campionato Galego Senior de Volei Praia, derradeira proba do Circuíto Vichy Catalán Volei Galego do calendario de verán da FGVB e será no areal de Riazor, na Coruña.
A derradeira etapa do proxecto ‘A Coruña é Vólei Praia’ albergará a competición senior masculina e feminina, se disputarán ambas ao longo de sábado e domingo no areal de Riazor e quedando ambas finais fixadas para o domingo pola mañán.
📰 | Novas: Abertas as inscricións para o Campionato Galego Sénior de Vólei Praia.
🏐⛱️ Esta terceira proba do Circuito Vichy Catalán Volei Praia Galego celebrarase o 19 e 20 de agosto en @coruna_deportes.https://t.co/xsjPE7NoK2 pic.twitter.com/n9T5a8ZqCI
— Federación Galega de Voleibol (@VoleiGalego) August 11, 2023
Segundo informa a Federación Galega de Voleibol, “para esta terceira proba do Circuíto Vichy Catalán Volei Praia Galego se contará cunha inscripción de 30€ por parella, sendo o 100% das inscricións para premios quedando da seguinte forma o reparto”:
- 1° Clasificado – 40% do total das inscricións.
- 2° Clasificado -30% do total das inscricións.
- 3° Clasificado -20% do total das inscricións.
- 4° Clasificado -10% do total das inscricións.
Recordan desde a a Federación Galega de Voleibol que a “inscrición das parellas deberá formalizarse por correo electrónico antes deste martes 15 as 20:00 horas a través de correo@volei.gal, así coma o xustificante do pago de 30€ no número de conta: ES71 0081 0499 6400 0137 8440, Banco de Sabadell, S.A.”
Riazor está acollendo eventos de volei praia con éxito
O areal de Riazor acollía pasada fin de semana, do 11 ao 13 de agosto, o II Trofeo Cidade da Coruña de volei praia. A cita constituía a segunda parada do Circuito Nacional de Volei Playa (CNVP) en Galicia. A cita foi un éxito tanto polo nivel das e dos deportistas como polo seguimento do público desde o areal coruñés.
