O pasado fin de semana celebrouse a segunda xornada da Copa Promoción de natación sincronizada. O anteriormente coñecido como o Campionato Galego de inverno de base que realiza a Federación Galega de Natación.
Esta edición tanto para infantís como para júniors tivo lugar na cidade de Vigo o 15 de febreiro na sede do RCN Vigo. Por parte das máis pequenas proclamáronse campioas o Club Acuatic Oleiros e nas maiores o Rias Baixas de Vigo.
As infantís do Club Acuatic Oleiros suben o primeiro chanzo do podio
Na categoría infantil, o Club Acuatic Oleiros subíuse ao primeiro chanzo do podio para colgarse a medalla de ouro. O equipo formado por Marta Souto, Xiana Novoa, Martina López, Daniela Varea, Laura Peino, Nerea Sánchez, Carla Castro, Enma Buján, Sara Santiago e Sofía Fariñas fixo unha puntuación total de 60,47.
Moi preto, quedáronse no segundo chanzo o C.N.S Rías Baixas de Vigo (Claudia Rodríguez, Erika Ojea, Eva Trigo, Lena Hermello, Romy dos Santos, Xela Zulueta, Xiana Paula Fernández e Vera Costas) cun 58,7 e no terceiro cun 57, o RCN Vigo (Aitana Mariño, Lucía Calvo, Mariña Garay, Sara González, Inés Rodríguez, Candela Boullosa, Lia Rodríguez, Lia Álvarez e Daniela García). Nun cuarto posto, situaríase o Club Aguamarina de Culleredo formado por Marta Losada, Mata Paredes, Paola Valiño, Sarra Lucas, Alejandra Longueira, Laura Heras, Candela Vazquez, Carla Puente e Zaira Aguión con 54,6 puntos.
Na categoría júnior de sincronizada gañou o Rías Baixas de Vigo
O mesmo día tamén tivo lugar a competición para as júniors. Nesta categoría, o C.N.S Rías Baixas Vigo conseguiu escalar un chanzo más colgándose a medalla de ouro. Alicia Carreiro, Iria Dora, María Méndez, Marta Alonso, Noa da Graça, Paula Ferreira, Sara Leal, Sofia Costas, Marta Xiu Arias e Antía González fixeron un total de 62,73 puntos.
A tan só 3,67 puntos quedou o Augamarina de Culleredo. O equipo formado por Marta García, Ana Noya, Lucía Méndez, Celtia Río, Ariadna Beltrán, Silvia Vázquez, Alba García, Alba González, Celia Sánchez e Andrea García conseguiron un 59,1.
Cun punto menos e subindo o mesmo peldaño pero en distinta categoría estaría o RCN Vigo respaldado por Ainara Vázquez, Ana del Balle, Rocío Martínez, Victoria González, Lorena Iglesias, Uxía Lamas, Cristina Martínez, Alejandra Perez-Piñeiro e Sarah Andres. Na cuarta posición quedou o C. Acuatic Oleiros da man de Candela Fernández, Lucía López, Noa Rama, Paula Gallego, Andrea Menéndez, Lucía Naya, Elena Mejuto, Iria Novo e Emely Germosen.
A Copa Promoción iniciou a primeira xornada o en Ferrol
O Javier Gómez Noya, situado na cidade departamental, acolleu a primeira xornada desta nova competición de natación artística por figuras realizada pola Fegan no pasado mes de xaneiro. A proba sería para as nenas menores de 12 anos nas categorías de prebenxamín, prealevin e benxamín.
En prebenxamín, gañou a nadadora do C.N. Sincronizada Ourense, María Santos cun resultado de 33,5 puntos. Non moi por detrás quedaron Amelia Ortega do Sporting C. Casino, con 26,5 e Olivia León do mesmo club que María, cun punto menos.
En prealevín, o podio estaría composto no primeiro chanzo por Belén Sánchez do C.N.S Pontevedra cunha puntuación de 53,67; no segundo, Paula Alcazar con 52,94 do C.N. Sincronizada Ourense, e na terceira, Blanca Garrido do Sporting C. Casino, con 52,54.
Na categoría benxamín, os primeiros postos estiveron moi reñidos. A primeira da segunda so as separaron centésimas. Paola Bobillo do C.N. Sincronizada Ourense obtivo un 43,87 fronte ó 43,71 de Sofía Puñal do Club Acuatic Oleiros. A terceira posición sería para Ofelia Barreiro do Club Galaico Sincronizado con 42,1 puntos.
PRÓXIMAS XORNADAS
- Xornada 3. Figuras para menores de 12 anos. O 21 de marzo en Pontevedra.
- Xornada 4. Libre combinada infantil e júnior. O 23 de mayo en Ferrol.
- Xornada 5. Equipo e combo de menores de 12 anos. O 6 de xuño en Vigo.
