O vindeiro domingo día 16 de febreiro de 2020 celébraranse no Pavillón Municipal da localidade de Rianxo, as dúas probas deportivas oficiais de Kenpo, puntuables para clasificarse para o Campionato de España desta disciplina, según informa a Federación Galega de Karate e Disciplinas Asociadas.
Nesta ocasión a partir das 09:30 horas da mañá, daranse cita na localidade de Rianxo máis dun centenar de deportistas, nas categorías infantil, xuvenil, cadete, junior e sénior feminino e masculino.
Na citada competición participarase nas modalidades de Técnica (Kata, Kobudo, Defensa Persoal, Kata por Equipos) e as de Combate (Semikenpo e Submission).
O Concello de Rianxo, patrocinador desta cita de Kenpo
Esta competición ten un formato dobre, será a 12° Edición do Campionato Galego e por primeira vez realizarase a competición tamén de Parakenpo (Kenpo Adaptado), un bonito traballo en inclusión con deportistas de diversidade funcional. O evento está organizado polo Club Kenpo Barbanza, o Departamento de Kenpo da Federación Galega de Karate e Disciplinas Asociadas en colaboración coa Secretaría Xeral para O Deporte e a Fundación Deporte Galego e conta co patrocinio do Concello de Rianxo.
