O Ría Ferrol cumpriu o seu primeiro obxectivo no inicio da Liga Iberdrola Clubes 2021, en categoría división de honra. As galegas remataron na terceira posición do seu cuadrangular na primeira xornada, superando ao Super Amara.
Desta forma, as galegas suman dous puntos para a clasificación xeral da proba nacional de atletismo, manténdose na zona media da táboa.
O medalleiro do Ría Ferrol
En total, o equipo ferrolán acadou catro ouros. O primeiro deles foi o de Irene Bonafonte, en 1500 m. libres, cun tempo de 4:31.33. Tamén quedou primeira Iria Rivas, en 5 km marcha, cunha marca de 26:42.38, e Ivanna Román, en xavelina, alcanzando a distancia de 46 metros e 37 centímetros.
O outro ouro foi o do equipo de relevos 4×400, formado por Lucía Rivadulla, Paulette Natacha, Irene Bonafonte e Laura Alonso, cunha marca de 3:47.49.
O medalleiro seguiu completándose coas pratas. Laura Alonso obtívoa en 800 metros libres e Celia Muñoz quedou segunda na mesma categoría, pero na distancia de 100 extra. Paulette Natacha fixo o propio en 400 metros valos, Eva Tur logrouno en 5 km marcha, Elena Llobera o fixo en lonxitude e Aldara Álvarez acadouna en disco.
En terceira posición quedaron Sofía Fernández, en 3.000 metros obstáculos, Paula González, en 100 metros valos, Diaou Diallo, en triplo e Xiana Lago, en peso.
