O fútbol seguirá parado indefinidamente. Ata o momento non coñecemos datas nas que se volverá a rodar un balón. Logo da amplicación do estado de alarma decretado polo Goberno de España, a Xunta Directiva da RFGF aprobou a prorrogación da suspensión das competicións o domingo 22 de marzo.
Nunha reunión mantida por videoconferencia, acordaron continuar na mesma liña co comunicado emitido pola Real Federación Española de Fútbol. Seguirán coa prórroga de suspender todas as competicións de ámbito autonómico, provincial e local, tanto na modalidade principal de fútbol como en todas as súas especialidades (fútbol sala, fútbol gaélico…).
Polo momento, ata que as autoridades competentes consideren que se poden reanudar sen risco algún para a saúde das e dos futbolistas, os corpos técnicos e os empregados dos clubs como para o público asistente.
Do mesmo xeito, a RFGF tamén mantén todas as medidas de protección dos seus empregados e dos seus afiliados, polo que todas as sedes e instalacións federativas permanecen pechadas ao público.
A RFGF implementou o teletraballo como medida de funcionamento para poder manter a súa actividade administrativa. A atención aos clubs está asegurada de maneira telemática a través da Intranet, polo que pedimos a todos aqueles que queiran contactar coa Federación que o fagan a través dos distintos correos habilitados na intranet, ou tamén a través da atención telefónica no número 981 900 600, que se mantén con servizos mínimos.
O comunicado conclúe apelando á responsabilidade para saír canto antes desta situación: “Confiamos que todos e todas vos atopedes en bo estado de saúde, ao igual que todos os vosos familiares, e apelamos á responsabilidade de todos para seguir de maneira escrupulosa as indicacións das autoridades estatais e autonómicas co fin de conseguir entre todos esta importante vitoria ante o coronavirus“.
RFGF: “”Confiamos que todos e todas vos atopedes en bo estado de saúde, ao igual que todos os vosos familiares, e apelamos á responsabilidade de todos para seguir de maneira escrupulosa as indicacións das autoridades estatais e autonómicas co fin de conseguir entre todos esta importante vitoria ante o coronavirus”.
