O fútbol loita con firmeza pola integridade. O directivo Amancio Varela e o secretario xeral Diego Batalla son as persoas da Real Federación Galega de Fútbol que están a reunirse, por delegación da Federación Española, cos clubs galegos da Liga Reto Iberdrola e de 2ªB. Reunións que teñen como finalidade informar en detalle dos riscos e perigos que as apostas deportivas teñen para os xogadores e técnicos.
Nas categorías da Liga Ibedrola e Primeira e Segunda División é LaLiga quen se encarga destas charlas informativas, pero das demais categorías semiprofesionais do fútbol español encárgase a RFEF, e por delegación a RFGF.
As reunións estanse a celebrar nos vestiarios dos equipos aproveitando alguna sesión de adestramento. Principalmente porque este é o mellor e máis directo xeito de chegar a todos os futbolistas do equipo. É unha información destinada tamén aos técnicos, directores deportivos e incluso aos directivos. Polo de agora xa houbo reunións co Celta B, Pontevedra, Peluquería Mixta Friol e este xoves co Racing de Ferrol, faltando unicamente o Coruxo.
Na reunión infórmase en primeiro lugar dos comportamentos prohibidos tanto polo regulamento disciplinario da RFEF, pola Lei do Xogo e tamén polo Código Ético da FIFA. En definitiva, os xogadores non deberían apostar en nada que teña relación directa ou indirecta co fútbol. Infórmase tamén das consecuencias, que poden ser incluso penas de cárcere de 4 anos. E por suposto a inhabilitación deportiva.
https://twitter.com/futgal/status/1235659113205465091
Ínstase ás deportistas a denunciar conductas ou situacións sospeitosas ou comportamentos extrano e poden facelo nos correos electrónicos que a RFEF e a RFGF crearon especificamente para este tema:
Nos dous casos son correos que só verán a persoa ou persoas encargadas deste delicado asunto.
