O curso de adestrador/a de fútbol Nacional C de fútbol poderá cursarse en Galicia de xeito telemático. A Escola Galega de Adestradores da Real Federación Galega de Fútbol propón así unha oferta formativa novidosa dado que nunca previamente se tiña podido cursar esta titulación de xeito dixital na nosa comunidade.
Segundo informa a RFGF a actividade formativa comezará o vindeiro 17 de abril e rematará o 30 de maio de 2020.
Aberta a inscrición no curso
A inscrición para esta formación para adestradoras/es xa está aberta e o prazo para anotarse remata o día 14 de abril de 2020. A xestión debe facerse online a través da seguinte ligazón: CURSO NACIONAL C ONLINE RFGF.
As persoas interesadas poderán descargar a información da convocatoria nesta ligazón da RFGF
Explica a Federación na súa web que logo de superar os contidos teóricos desenvolverase unha clase práctica previa ao exame práctico final. A mesma marcarase nas sedes máis próximas á procedencia dos alumnos/as. O pago da matrícula realizarase a través da Intranet do alumno/a.
A Escola Galega de Adestradores da Real Federación Galega de Fútbol continúa co seu compromiso de actualización de técnicas/os de Fútbol.
