As adestradoras xa teñen un certame para poñer en valor todo o seu traballo. A Real Federación Galega de Fútbol, mediante o Comité Galego de Adestradores, segue apostando pola formación e pon en marcha o “I Certame de Promoción do Técnico Galego” co propósito de dar a oportunidade a todas as colexiadas no Comité Galego de Adestradores de poder mostrar o seu traballo e darse a coñecer nas xornadas de formación dos Comités de Adestradores (tanto en Galicia como no exterior).
Este certame será unha oportunidade e ferramenta importante para autoformarse. Desde a RFGF avogan pola gran preparación e formación das adestradoras galegas e buscan a súa promoción mediante iniciativas como esta que se pon agora en marcha.
Todo aquel que o desexe pode presentar un dossier co seu proxecto de relatorio en formato PDF. A temática é libre, sempre que estea relacionada con calquera aspecto do Fútbol ou Fútbol Sala (Técnico, Táctico, Psicolóxico, Adestramento de Porteiros, PF, Dirección Deportiva, Coordinación deportiva, Análise…).
Todas as técnicos que resulten galardoados recibirán un agasallo do Comité Galego de Adestradores e participarán cos seus relatorios nas Xornadas de Formación e Actualización que se fagan durante o ano. Elaborarase un dossier cos relatorios gañadores para darlle promoción en todos os comités nacionais e internacionais ás técnicos galegas e poder levar estas formacións fóra das nosas fronteiras.
