As asociacións de xogadores e xogadoras de fútbol sala (AJJFS) asinou un acordo de colaboración coa Real Federación Galega de Fútbol (RFGF) que persegue como obxectivos a promoción do futsal e, nomeadamente, a formación e tecnificación deportiva desta especialidade entre as persoas asociadas da AJFS e a AJFSF.
Xusto esta semana a Escuela Gallega de Entrenadores de la Real Federación Galega de Fútbol iniciaba os cursos UEFA C de fútbol e Nacional C de fútbol sala, que se imparten en formato semipresencial.
A Real Federación Galega de Fútbol (RFGF) salienta que segue estendendo lazos co obxectivo de fortalecer a súa estrutura e acadar novas alianzas tanto cos clubs como coas diferentes asociacións de futbolistas e destaca, nese sentido, esta sinatura de convenio.
A Asociación de xogadores de futsal créase en 1998
A AJFS é a Asociación de Xogadores de Fútbol Sala. Foi creada en febreiro de 1998. O seu principal obxectivo é protexer e amparar os dereitos do xogador de fútbol sala asociado, así como defender xuridicamente o cumprimento do contrato que firme.
Esta asociación tamén aconsella, orienta ou simplemente apoia ao asociado en calquera outro aspecto do ámbito da súa profesión. Ademais, ten como obxectivos asesorar ao xogador na súa formación facilitando a súa carreira Dual, e asesorar e acompañar na preparación da retirada deportiva e a súa posterior integración no mundo laboral, unha vez terminada a súa carreira deportiva, sen descoidar o aspecto psicolóxico e social.
A AJFSF está activa desde 2010
A AJFS está formada por xogadores e ex xogadores de fútbol sala que xogan ou xogaron en 1ª, 2ª, 2ª B, 3ª División, ou xuvenís maiores de idade con ficha en División de Honor, en España, así como aqueles xogadores que xoguen en ligas estranxeiras e que xogasen nalgunha das categorías citadas en España. A súa presidenta é Natalia Orive.
O seu presidente é Antonio García-Plata, ex xogador profesional, e o seu secretario xeral é outra lenda deste deporte, o ex porteiro Sergio López-Andújar.
A AJFSF é a Asociación de Xogadoras de Fútbol Sala. Creouse en 2010 coa misión de amparar, defender e loitar polos dereitos e melloras das xogadoras de fútbol sala. Entre os seus obxectivos principais están: fomentar, difundir e dar visibilidade ao fútbol sala feminino.
A AJFSF é o órgano representativo e voz colectiva das xogadoras de Primeira e Segunda División Nacional. Tamén conta con ex xogadoras que militasen nas devanditas categorías. Actualmente, contan con máis de 400 xogadoras asociadas, sendo o maior sindicato de mulleres deportistas en España. Aténdese calquera necesidade ou dúbida relacionada coa práctica deportiva ofrecendo asesoramento legal, asesoramento deportivo, asesoramento académico e laboral.
