A Real Federación Galega de Fútbol continúa coa desescalada e agora é a quenda de activar o fútbol base. Así, e tras a aprobación dos Comités de Fútbol Base e de Fútbol Sala e da Comisión do Fútbol Feminino nas xuntanzas que tiveron lugar a pasada semana, a RFGF abre o prazo de inscrición para todas as competicións de base, tanto provinciais como locais.
O prazo de inscrición nestas categorías do fútbol e o futsal galegos rematará o vindeiro luns 8 de marzo. Desde a RFGF explican que “é un proceso necesario para coñecer con exactitude os equipos que queiran participar en cada categoría para a partir de aí elaborar os plans competicionais correspondentes adaptados a cada realidade”.
Desde a Real Federación Galega de Fútbol (RFGF) lembran que todas as competicións “terán un formato exprés e a volta do fútbol estará condicionada a que así o permita a situación sanitaria e o autoricen as autoridades”.
Os clubs que desexen inscribirse ou renunciar poden facelo a través desta ligazón á intranet da RFGF MANUAL DE PROCEDEMENTO INSCRICIÓN/RENUNCIA
Reactívase o fútbol e futsal galegos en formato exprés, sen descensos e con inscrición voluntaria
