O fútbol non profesional abordará un modelo express para finalizar as súas competicións. No transcurso da tarde de onte, o presidente da RFEF, Luis Rubiales enviou unha carta aos seus homólogos das federacións territoriais co fin de dar a coñecer un conxunto de reflexións que xorden tanto da reunión que esta mañá tivo lugar co Consello Superior de Deportes, como do traballo de análise interna realizada e da conveniencia de proxectar o futuro inmediato do fútbol nacional.
Na reunión trasladouse ao CSD a necesidade dun marco de seguridade xurídica, social e económica para protexer tanto aos clubs españois como aos seus deportistas. Neste sentido, a RFEF articulará unha rolda de contactos a través dos presidentes das territoriais para coñecer todas as sensibilidades dos axentes do fútbol e que se poñerán en común a próxima semana nunha nova Comisión de Presidentes Territoriais.
Na sondaxe a todos os colectivos do fútbol exporase dar por finalizada a competición regular mediante un mecanismo express exposto a través dun modelo uniforme en todo o fútbol non profesional español levado a cabo da mesma maneira en todas as Comunidades Autónomas. Estas medidas afectaran de cheo ás competicións de ámbito estatal de fútbol feminino e fútbol sala.
Playoff a partido único de ascenso
Desenvolveríase un mecanismo express de ascensos mediante un sistema de Playoff a partido único, se é posible con sistema de concentración, co fin de garantir, polo menos, o mesmo número de ascensos que estaba previsto no inicio da competición.
Sin descensos
Nesta situación excepcional, non habería descensos na presente tempada. Neste sentido, traballaríanse os mecanismos oportunos para incrementar o número de equipos por grupo ou creación de novos grupos cunha vixencia máxima de tres ou catro tempadas ata que se acometa de maneira planificada a pertinente reestruturación que converta en elite as competicións non profesionais mediante un equilibrio económico sostible e adecuado.
Fútbol feminino e futbol sala
Estas actuacións levarían a cabo nas competicións de ámbito estatal do fútbol feminino e fútbol sala así como en todas as competicións estatais da categoría xuvenil. Tamén se verían afectadas a Segunda B e Terceira masculinas.
Respecto a as categorías inferiores tamén se abre o debate a sobre cal é o modelo idóneo para a finalización das competicións partindo dunha premisa que está por encima das competicións como son os estudos dos futbolistas e a súa saúde e a dos seus familiares dando opción se así se acorda a dar por finalizadas as competicións.
Respecto a a operatividade do novo escenario, a RFEF manterá a Comisión Mixta para ofrecer garantía aos xogadores e facilidades de pago aos clubs. Ademais, o Fondo de Garantía Salarial multiplicarase por dúas para emendar calquera continxencia inesperada.
