- A RFEF convoca axudas por máis de 2.500.000 euros para as competicións oficiais xuvenís da RFEF e para o fútbol sala feminino.
A Real Federación Española de Fútbol anuncia dúas convocatorias de axudas a clubs. Unha para os clubs non profesionais con equipos en División de Honra e en Liga Nacional xuvenil e outra para os de Primeira e Segunda división femininas de fútbol sala.
Na Primeira División do fútbol sala estatal militan este curso cinco equipos. Trátase dos conxuntos galegos: ENCE Marín Futsal, Ourense Envialia, Pescados Rubén Burela, Poio Pescamar e o ascendido Viaxes Amarelle FSF. Mentres que na Segunda División competirán: FSF Castro, Ourense Envialia B, Cidade de As Burgas GLS, Valdetires Ferrol FSF, 5 Coruña FS, Bembrive, Comarcal A Fervenza.
Estas axudas “buscan dotar aos clubs dos mellores medios, estruturas e facilidades que sirvan de apoio á mellora técnica e o máximo rendemento dos clubs e dos xogadores das seleccións españolas inferiores de fútbol, así como impulsar o nivel competitivo da selección española de fútbol sala, o papel da muller na RFEF, axudar á profesionalización dos clubs e colaborar a regularizar a situación laboral das xogadoras”, aseguran desde a RFEF.
Este programa para os clubs de División de Honra e Liga Nacional Xuvenil da tempada 2022-23 destina 2.106.000 euros procedentes do orzamento da RFEF. Está aberto aos clubs cuxos equipos do club non participen en competicións de ámbito estatal e carácter profesional, que teñen ata o 20 de setembro para presentar as solicitudes. A cantidade destinada a estas axudas divídese en tres ámbitos.
O prazo para pedir estas axudas remata o 15 de setembro
En canto ás axudas aos clubs de Primeira e Segunda división de fútbol sala feminino, este programa destina un máximo de 410.000 euros. Neste caso, o prazo para presentar as solicitudes é ata as 18:00 horas (peninsular) do 15 de setembro.
A cantidade destinada a estas axudas divídese en tres ámbitos:
- O primeiro, as axudas á profesionalización das xogadoras de Primeira división (242.000 euros), cunha axuda máxima de 15.000 euros por club.
- O segundo, as axudas á emisión televisiva de Primeira división (100.800 euros), que se xestionará de maneira conxunta coa RFEF.
- O terceiro serán as achegas para a contribución de gastos de comunicación e visibilidade da competición para os equipos participantes en Segunda división (67.200 euros).
A RFEF fixa como obxectivos deste programa de achegas as seguintes metas:
- Impulsar o máximo nivel competitivo da Selección Española para as competicións oficiais internacionais.
- Impulsar o papel da muller dentro da RFEF en todas as súas competicións e, neste caso, especialmente no fútbol sala.
- Axudar á profesionalización e ás estructuras dos clubs.
- Colaborar cos clubs na regularización da situación laboral actual das súas xogadoras, así como ao pago da seguridade social das mesmas.
- Promocionar a base favorecendo o crecimento e o impulso de cara ao futuro do fútbol sala e, especialmente, do futsalfem.
Entre dos requisitos que a RFEF solicita aos clubs que desexen adherirse ao programa de promoción federativa para o fútbol sala feminino pídense estas condicións no caso dos clubs de Primeira División FSF:
- Contar cun mínimo de xogadoras con contrato de traballo e dadas de alta á Seguridade Social durante un mínimo de 10 meses por tempada. (Mínimo 4 xogadoras seleccionables para España ou cun mínimo de 5 anos de licenza federativa en España ou 3 xogadoras e un técnico con licenza de primeiro adestrador na categoría correspondente para a tipoloxía A ou mínimo 6 xogadoras seleccionables para España ou cun mínimo de 5 anos de licenza federativa en España ou 5 xogadoras e un técnico con licenza de primeiro adestrador na categoría correspondente para a tipoloxía B).
- Contar cun ou varios equipos de base (considéranse como equipos de base os das categorías prebenjamines, benjamines, alevíns, infantís, cadetes e xuvenís).
- Contribuír ao programa cos potenciais activos da cesión dos dereitos de imaxe dos partidos da competición oficial para poder ser emitidos pola RFEF ou mediante un terceiro como parte das obrigacións da RFEF de dar a máxima difusión audiovisual á competición deportiva.
Para los clubes de Segunda División de Fútbol Sala Femenino, a RFEF solicita:
- Contar cunha estrutura organizativa profesional mínima no club e dispoñer dunha estratexia de comunicación e de visibilidade do club conxuntamente coa imaxe da competición da RFEF.
- Dispoñer dun ou varios equipos de base (considéranse como equipos de base os das categorías prebenjamines, benjamines, alevíns, infantís, cadetes e xuvenís).
- Contribuír ao programa cos potenciais activos da cesión dos dereitos de imaxe dos partidos da competición oficial para poder ser emitidos pola RFEF ou mediante un terceiro como parte das obrigacións da RFEF de dar a máxima difusión audiovisual á competición deportiva.
Como se distribúen as axudas?
Segundo se indica na convocatoria as achegas “para a profesionalización das xogadoras de Primeira División. (Máximo 242.000€)” se distribuirían do seguinte modo:
- Clubs Tipoloxía A con un mínimo de 4 xogadoras ou tres xogadoras e un/a técnico que cumpran as condicións do programa e con contrato de traballo de mínimo 10 meses cun salario neto anual mínimo de 3.000€ e dadas de alta á Seguridade Social. Axuda máxima 8.000€.
- Clubs Tipoloxía B cun mínimo de 6 xogadoras ou 5 xogadoras e un/a técnico que cumpran as condicións do programa e con contrato de traballo de mínimo 10 meses cun salario neto anual mínimo de 3.000€ e dadas de alta á Seguridade Social. Axuda máxima 15.000€.
No caso das achegas “á emisión televisiva dos partidos da Primeira División”, neste caso o máximo son 100.800€. “A axuda xestionarase de maneira conxunta por parte da RFEF para o global dos clubs asumindo a RFEF directamente os custos de produción e emisión. Ditas axudas son incompatibles e subsidiarias coas mesmas cantidades se se outorgaren no programa Universo Muller III”.
Con respecto ao terceiro bloque, as “axudas para a contribución aos gastos de comunicación e visibilidade da competición para os equipos participantes na Segunda División”. Figura nas bases que o máximo neste apartado son 67.200€ e unha “axuda de 1.200€ por club”.
Consulta a convocatoria de axudas ‘Vertebración y Fomento’ para clubs de Primeira e Segunda División de futbol sala feminino.
Axudas ao fútbol xuvenil
No caso das axudas á participación nas competicións para a promoción do fútbol xuvenil (520.000 euros para equipos que militan na categoría de División de Honra e 614.000 para os de Liga Nacional). O segundo, as axudas para desprazamentos (198.000 euros para División de Honra e 228.000 para Liga Nacional), con distintos tramos segundo a distancia dos desprazamentos. O terceiro serán as axudas para os clubs exclusivamente canteiráns (168.000 para División de Honra e 378.000 para Liga Nacional).
