O fútbol feminino xa ten punto e final nesta tempada 19-20. A RFEF reuniuse hoxe coas federacións territoriais para resolver, entre outros asuntos, o desenlace do fútbol feminino. Finalmente a opción foi a de suspender a tempada en todas as categorías (Liga Iberdrola, Reto Iberdrola e Primeira Nacional) predominando a clasificación que había no momento do parón para ter en conta os ascensos de categoría. Non haberá descensos.
Isto afecta directamente ao Dépor que finalizará a tempada no cuarto lugar no seu debut na división de ouro do fútbol feminino. O Peluquería Mixta Friol, tamén verase afectado e xogará un ano máis na división de prata.
Barça campión e Atleti a Champions. Non hai descensos e Malena ascende co Eibar
Dos catro escenarios que se barallaban para resolver a Liga Iberdrola, elixiuse o 1A -quizá o máis coherente-, dando por campión ao Barcelona, sendo o Atlético de Madrid quen lle acompañe á Champions League a próxima tempada. Non haberá descensos (sálvanse Valencia e Espanyol, que ocupaban a zona de descenso). Na Reto Iberdrola , a parte da salvación do Friol, hai outra boa nova para o fútbol galego. O ascenso do Eibar da galega Malena Mieres.
Liga Ibedrola de 18 equipos e 4 descenso para a tempada 20-21 e Reto de 34 equipos
Coa tempada actual resolta (a expensas de poder finiquitar a Copa da Raíña, que xa terá lugar o próximo curso), outro cabalo de batalla era o da fórmula escollida para planificar o curso seguinte. A RFEF optou por unha Primeira Iberdrola de 18 equipos e catro descensos para retornar aos 16 equipos na máxima categoría na tempada 2021/2022. Pola súa banda, a Reto Iberdrola constaría de 34 equipos, é dicir, dous grupos de 17 equipos, sempre que se poida resolver a categoría Nacional cun play- off exprés en sede única e catro billetes de ascenso.
A proposta da RFEF estará condicionada á evolución da pandemia e ás recomendacións do Ministerio de Sanidade e do Consello Superior de Deportes.
Respecto a aquelas competicións nas que a normativa prevía unha fase final ou play- off, disputarase esa fase pero en formato exprés, salvo en categorías xuvenís onde se dá por terminada a tempada e practícanse os ascensos. Todos estes encontros realizaranse sen afluencia de público dadas as obrigadas normas de cumprimento que as nosas administracións decidiron implementar polas extraordinarias circunstancias nas que nos atopamos.
En relación coas horas dos encontros, acordaranse conxuntamente coas Federacións territoriais, co obxectivo de que se garanta a Saúde de todos os participantes. Por outra banda, naquelas competicións nas que non haxa fase final, a posición de cada equipo na clasificación determinará o campión e as prazas de ascenso ou, no seu caso, de participación para competicións europeas.
Playoffs de ascenso de 1ª Nacional a Reto
Finalización da liga Regular en todas as categorías sen descensos.
• En PRIMEIRA IBERDROLA será campión o primeiro clasificado (Barça).
• Os ascensos de RETO IBERDROLA a PRIMEIRA IBERDROLA serán segundo normativa: os primeiros clasificados de cada grupo que poidan ascender. (Eibar e Santa Teresa ao non poder subir o Athletic B)
• Xogaranse os play- off de ascenso de Primeira Nacional a Reto Iberdrola, previstos na normativa, pero en formato exprés e sede única
• Semifinais e Final da Copa da Raíña 19/20 disputaranse na tempada 20/21.
Na Tempada 20/21, na medida do posible e sempre que por causas sanitarias e de calendario sexa posible, evitarase facer subgrupos.
Finalización da Liga Regular en todas as categorías sen descensos no futsal
No caso do futsal, o Burela e o Ourense Envialia xogarían o play- off polo título en Primeira División e Amarelle, Fisgón e Valdetires disputarían o play- off de ascenso de Segunda a Primeira División, previstos na normativa, pero ambos en formato exprés. Outra boa nova para o futsal galego sería a permanencia do Cidade de As Burgas un ano máis na categoría de ouro do futsal.
Normativa de desempate
Na Tempada 20/21, ao aumentar o número de equipos por non haber descensos, na medida do posible, evitarase facer subgrupos sempre que o calendario permítao.
• Tanto nas competicións de fútbol como en fútbol sala os enfrontamentos entre rivais que ocuparon a mesma clasificación antes de empezar o play- off decidiranse polo resultado transcorrido o tempo regulamentario, e no seu caso, prórroga e se fose necesario penaltis.
• Para o caso de equipos que se enfronten neste play- off ocupando posicións diferentes antes do mesmo, será vencedor do partido o equipo que gañe tras o tempo regulamentario, e en caso de darse un empate quedase eliminado o equipo que accedese con peor clasificación ao play- off, polo que non haberá prórroga nin penaltis.
De forma unánime polas Federacións territoriais aprobouse para as categorías rexionais solicitar ás Direccións Xerais de Deportes de cada Comunidade Autónoma para que emitan unha resolución nos mesmos termos que a emitida polo Consello Superior de Deporte.
Por último, a Comisión de Presidentes decidiu propoñer que se manteñan todas as subvencións, polo menos, de maneira proporcional aos partidos que se xoguen na tempada 20/21, mantendo o poder adquisitivo dos clubs en canto ás subvencións federativas.
