A Real Federación Española de Fútbol (RFEF) vén de anunciar unha serie de medidas de impulso ao fútbol feminino que son froito da reunión de presidentes celebrada onte luns 25 de xullo na Ciudad del Fútbol de Las Rozas.
Segundo explica a RFEF “os presidentes territoriais, a proposta de Luis Rubiales, aprobaron un novo paquete de axudas para o desenvolvemento do fútbol feminino que recaerán nos clubs de Primera Federación Feminina e Segunda Federación Feminina”.
Nesta liña de achegas ao futfem mantense a axuda do programa Elite para os clubs de Primera Feminina Federación ata un máximo de 100.000 euros a próxima tempada e segundo a tempada de incorporación de cada un dos clubs, tal e como relata a Real Federación Española de Fútbol.
Ademais, hai que sumar o resto de axudas de Universo Mujer así como as arbitraxes nun montante de aproximadamente outros 20.000 euros anuais e a intención da Real Federación Española de Fútbol das axudas ás cotas da Seguridade Social.
Cada un dos clubs de Segunda Federación Feminina adscritos ao Programa Elite recibirán a mesma cantidade comprometida no programa como resultado das diversas axudas que xestiona a Real Federación Española de Fútbol .
E dicir, o futbol feminino non profesional recibiría estas achegas da RFEF:
- Primera Federación: 100.000 €/equipo.
- Segunda Federación: 50.000 €/equipo.
🚨 OFICIAL | La RFEF intensifica su apuesta por el Fútbol Femenino.
ℹ️ Aprobado un amplio paquete de ayudas para los equipos de Primera y Segunda Federación.
🔗 https://t.co/WBVZi0FaWT pic.twitter.com/tOliSVNY3o
— RFEF (@rfef) July 25, 2022
Non se fala na nota informativa da Real Federación Española de Fútbol da Primera Nacional que ten preto de 100 equipos. Nas redes sociais escoitáronse voces críticas que preguntan se non se vai ter presente a esa categoría nas axudas da Federación.
