A Guía da Liga Guerreras Iberdrola 2020-2021 é unha publicación realizada polo Departamento de Comunicación da Real Federación Española de Balonmano que repasa en máis dun cento de páxinas toda a información relativa á competición, clubs, xogadoras… Un documento de referencia para todas as persoas que desexen coñecer non so aos dous equipos galegos na competición (BM Atlético Guardés e Conservas Orbe Rubensa Porriño) senón aos seus rivais.
Faltan horas para que arrinque unha nova tempada na Liga Guerreras Iberdrola. Seis meses de espera para voltar competir por mor do parón a causa da COVID-19. Afección, xogadoras e clubs están desexando que a pelota empece a ir de man en man e perforar portarías.
Un documento imprescincible para seguir a competición é a tradicional guía que cada tempada publica o Departamento de Comunicación de la Real Federación Española de Balonmano. Unha ferramenta indispensable de consulta para que desexe estar ao día da máxima categoría del balonmano feminino español.
Segundo informa a propia RFEBM “nesta nova edición o documento conta con 132 páxinas con información detallada dos 16 equipos que, excepcionalmente, participarán neste curso na máxima categoría do balonmán feminino español.
O contido será máis completo que en anos previos. Engándense novidades nas páxinas adicadas a cada club”. Por exemplo, “unha análise con baixas e altas no plantel, un histórico e palmarés máis detallado nas fichas das xogadoras e os seus perfís nas redes sociais para facilitar o seu seguemento e a interacción coas propias protagonistas” da elite desde deporte en España.
Un documento vivo de actualización semanal
A Guía da Liga Guerreras Iberdrola 2020/2021 vaise actualizar semanalmente, polo que será un documento vivo que servirá para poder realizar un seguimento constante de la competición.
Explican desde a RFEBM que o seu “deseño sinxelo, atractivo e intuitivo, unido a unha imaxe renovada desde a propia portada, facilitará as persoas usuarias a obtención de toda a información de xeito rápido e en calquera momento, ao disponer da Guía en página web oficial da Federación en formato dixital”.
Estatísticas de clubs e xogadoras
Consolídase neste documento o apartado Central de Datos, a base de estatísticas na que se pode analizar a traxectoria de cada club a tempada pasada, tanto a nivel xeral como por cada xogadora.
Son destacables tamén as páxinas adicadas ao calendario, que son detalladas e se axustan ás particularidades deste curso 2020/2021. Debido á COVID-19, este ano estamos diante dunha competición cuxo formato de muda a dous grupos de oito clubs cada un. De feito, os dous clubs galegos, BM Atlético Guardés e Conservas Orbe Rubensa Porriño, están ubicados en diferentes grupos.
Ambos os dous comezan a competición o vindeiro sábado día 12. No caso do Conservas Orbe Rubensa BM Porriño visita a cancha do Liberbank Gijón ás 19:00 horas. Mentres que o BM Atlético Guardés inicia á tempada na Sangriña recibindo ao BM Lanzarote Puerto del Carmen.
Outra das novidades desta guía que salientan desde a RFEBM é a inclusión por parte dos clubs de publicidade propia para dar así cabida as súas campañas ou patrocinadores.
Nas páxinas finais engádense espazos nos que se fai un resumo da Temporada 2019/2020 – Liga, Copa e Supercopa -, incorpórase o ‘Equipo Ideal’ do curso pasado, e das Guerreras, ahondando sobre o acontecido no Campionato do Mundo de Xapón 2019 e sobre o Programa ‘Objetivo 2021’.