O Aceites Abril enfróntase este domingo —16 de febreiro, á 13.00 hora— a un reto moi importante ante o intratábel lider da Primeira División Nacional, o Club Voleibol Sanse, no pavillón Eduardo López Mateo da localidade madrileña de San Sebastián de los Reyes.
Sobre esta pintura, as locais sempre gañan cunha gran comodidade e na que tan só perderon por un apertado 2 a 3, sendo esta a súa única derrota na liga fronte as asturianas de Los Campos. Na primeira volta, o equipo da Cidade das Burgas chegou a plantarlles cara e presentarlle unha dura contenda ao equipo madrileño. A pesar de perder por 1 a 3 ao Aceites Abril levouse o primeiro set e a punto estivo de ganarlles o segundo e o terceiro.
Nesta ocasión, o encontro se antolla moi complicado xa que o equipo do Sanse incorporou dúas novas xogadoras en busca de apuntalar o campionato e dar un salto a categoría superior o final de tempada para conseguir o ascenso da Superliga Nacional.
En fronte estará un Aceites Abril mermado de efectivos. O fin de semana anterior perdeu no duelo galego ante o CV Bruxas por un 1 a 3 no polideportivo de O Pompeo. Para esta vita viaxa coas xogadoras xustas para disputar o encontro xa que contará co baixa de Rebeca Kruse, a cal súmase as de Ania, Xulia, Varandela e as cinco xuvenís que soen acompañar ao equipo senior e que, en esta ocasión, non poderán disputar o partido na capital.
De todos modos o equipo ourensá tratará de plantarlle cara a un partido complicado e intenso as líderes da competición confiando nunha maior efectividade e índice de acerto no saque e sobre todo xogando a baza defensiva que lle permita ter opcións cun ataque que estará comandado, unha vez máis, por un tridente formado por Ana Belén, Miriam e Gladys.
DATOS DE INTERESE
DÍA E HORA: 16 de febreiro, á 13.00 horas.
CAMPO: Pavillón Municipal Eduardo López Mateo.
INCIDENCIAS: Partido correspondente a xornada 17 da Primeira División de Voleibol no que enfrontará ao CV Sanse e o Aceites Abril CVO no Pavillón Municipal Eduardo López Mateo.
O Bruxas xoga na casa ante o Extremadura
O CV Bruxas recibe o sábado —15 de febreiro, ás 16.30 horas— no pavillón municipal de Bertamiráns ao Extremadura Apart. MM Badajoz na xornada 17 da Primeira División Nacional de voleibol. As galegas veñen de gañar do duelo galego ante o Aceites Abril por un 1 a 3 en Ourense.
Seguen estando na décima posición da clasificación xeral pero o resultado da semana pasada serviulles para afastarse máis dos postos de descenso. O seu rival é quinto con 26 puntos empatado cas xogadoras do Curtidora Universidad de Oviedo.
DATOS DE INTERESE
DÍA E HORA: 15 de febreiro, ás 16.30 horas.
CAMPO: Pavillón Municipal de Bertamiráns – Ames
INCIDENCIAS: Partido correspondente a xornada 17 da Primeira División de Voleibol no que enfrontará ao CV Bruxas e o Extremadura Apart. MM Badajoz no Pavillón Municipal de Bertamiráns.
